სახელმწიფო საავადმყოფოების თანამშრომლები და ექიმები სრულიად საბერძნეთის მასშტაბით გაიფიცნენ
სახელმწიფო საავადმყოფოების თანამშრომლები და ექიმები სრულიად საბერძნეთის მასშტაბით გაიფიცნენ
მუდმივი თანამშრომლების აყვანის მოთხოვნით ადამიანური სამუშაო გრაფიკითა და შესაბამისი ხელფასების მოთხოვნით საბერძნეთის საავადმყოფოების ექიმთა ასოციაცია და საჯარო საავადმყოფოების თანამშრომელთა ფედერაცია ქუჩაში გამოვიდა. ფედერაციები დილის 09:30 საათზე ჯანდაცვის სამინისტროს წინ შეიკრიბნენ აქციის გასამართად.
“საჯარო/სახელმწიფო/საყოველთაო დაზღვევას რომ მომავალი ჰქონდეს და თითოეულმა ადამიანმა რომ მიიღოს შესაბამისი დროული სამედიცინო დახმარება უნდა აღმოიფხვრას პერსონალის ნაკლებობის პრობლემა და საჯარო საავადმყოფოებმა უნდა მიიღონ საკმარისი დაფინანსება.” – აცხადებს საჯარო საავადმყოფოების თანამშრომელთა ფედერაციის წარმომადგენელი.
ექიმთა ასოციაციის განცხადების თანახმად კი მაშინ, როცა საბერძნეთის მოქალაქეებმა საკუთარი ჯიბიდან 5,9 მილიარდი ევრო გადაიხადეს მედიკამენტების ფასმა 480%-ით მოიმატა.
გავრცელებული ინფორმაციის თანახმად ამ დროისტვის სახელმწიფო საავადმყოფოებში 45 000 ვაკანტური ადგილია და არსებული პერსონალი არაადამიანური საათებით და ხელფასით მუშაობს.
