სეისმური აქტივობა ტურიზმს ხელს არ უშლის – ჯავშნები არც აღდგომისთვის და არც ზაფხულისთვის გაუქმებულა
სეისმური აქტივობა ტურიზმს ხელს არ უშლის – ჯავშნები არც აღდგომისთვის და არც ზაფხულისთვის გაუქმებულა
უძრავი ქონების მენეჯერთა ასოციაციის პრეზიდენტმა, ანდრეას ხიუმ, ტელემაუწყებელ ΕΡΤ-ზე სანტორინზე შექმნილ არასტაბილურ მდგომარეობაზე ისაუბრა, რაც სეისმური აქტივობის შედეგად არის გამოწვეული.
ანდრეას ხიუ საკმაოდ პოზიტიურად არის განწყობილი და აღნიშნავს, რომ ამჟამინდელ მდგომარეობას კუნძულის მოსახლეობა და ბიზნესმენები საკმაოდ მშვიდად და მოთმინებით უდგებიან და აცხადებენ, რომ ჯერ-ჯერობით ჯავშნები არც აღდგომისთვის და არც ზაფხულისთვის არ გაუქმებულა.
“ჯავშნები გაუქმდა მხოლოდ ამ პერიოდში, როცა კუნძულზე უშუალოდ მიწისძვრის შედეგად გამოწვეული ბიძგები მიმდინარეობს. აღდგომისთვის და ზაფხულისთვის ტურისტებს ჯავშნები არ გაუუქმებიათ და ელოდებიან, თუ როგორ განვითარდება მოვლენები. ზაფხულზე საუბარიც კი ზედმეტია, დღითიდღე უფრო და უფრო მეტი ჯავშანი შემოდის დამსვენებლებისგან. მაგრამ ამ პერიოდში რათქმაუნდა ტურისტები, რომლებსაც თებერვლის თვე ჰქონდათ სანტორინზე გასატარებლად არჩეული, უკვე გავიდნენ მათი დაქირავებული airbnb-დან და დატოვეს კუნძული. თუმცა იმავეს ვერ ვიტყვი სასტუმროებზე. ჩემთვის სასტუმროებთან დაკავშირებული სტატისტიკა უცნობია.” – განაცხადა ანდრეას ხიუმ.
