სიამოვნებდა ბავშვების მკვლელობის პროცესი, თავს დამნაშავედ არ გრძნობს – აცხადებს პროკურორი ირინი მურძუკუზე
სიამოვნებდა ბავშვების მკვლელობის პროცესი, თავს დამნაშავედ არ გრძნობს – აცხადებს პროკურორი ირინი მურძუკუზე
პროკურატურამ 25 წლის ირინი მურძუკუს წინააღდეგ აღძრული საქმის სასამართლო განხილვის დაწყება მოითხოვა. შეგახსენებთ, რომ ქალს ბრალად 3 ჩვილი ბავშვის მკვლელობა ედება და ერთი ბავშვის მკვლელობის მცდელობა. გარდაცვლილ ბავშვთა შორის 2 მისი საკუთარი შვილი იყო.
გამოძიების ხელთ არსებული საქმის მასალების მიხედვით ბრალდებული დანაშაულს სრული შეგნებით სჩადიოდა და მიზანმიმართულად ირჩევდა დაუცველ მსხვერპლს. პროკურორის შეფასებით, მას არ გააჩნდა თანაგრძნობის უნარი და ძალადობრივი ქმედებებით ძალაუფლებისა და კონტროლის განცდის მიღწევას ცდილობდა.
ბრალდების ვერსიით, საქმეში ფიგურირებს ასევე ყოფილი პარტნიორის მკვლელობის მცდელობა, რომელიც 2020 წელს მოხდა. მოგვიანებით, 2021 წელს, ქალი სავარაუდოდ ნათლიის მცირეწლოვანი შვილის მკვლელობაშიც მონაწილეობდა, რის შემდეგაც მისი ორი შვილის გარდაცვალების შემთხვევებიც გამოიკვეთა.
პროკურატურის დასკვნაში აღნიშნულია, რომ ბრალდებულს შეეძლო ისეთი გარემოებების შექმნა, რომლებიც სიკვდილს იწვევდა, შემდეგ კი საკუთარი თავი მსხვერპლთა „მხსნელად“ წარმოეჩინა. საქმეზე სასამართლოს საბოლოო გადაწყვეტილება ჯერ მიღებული არ არის, ხოლო ბრალდებული წინასწარ პატიმრობაში რჩება.
