სპეციალისტები ქარის ტურბინებისა და ხანძრის ურთიერთკავშირს გამორიცხავენ
სპეციალისტები ქარის ტურბინებისა და ხანძრის ურთიერთკავშირს გამორიცხავენ
საბერძნეთის ქარენერგეტიკის სამეცნიერო ასოციაცია (ΕΛΕΤΑΕΝ) უარყოფს მითქმა-მოთქმას თითქოს ტყის ხანძრები ქარის ტურბინებთან არის დაკავშირებული და აღნიშნულ თემასთან ხანძრის დაკავშირების მცდელობას ცრუ ინფორმაციის გავრცელების მცდელობად აფასებს.
ასოციაციის განცხადებით, ოფიციალური მონაცემები აჩვენებს, რომ ორეოკასტროში გაჩენილი ხანძრის შემოგარენში ქარის ტურბინები არ არის. 2024 წელს ასოციაციაში შევიდა ერთადერთი განაცხადი ქარის ტურბინის დამონტაჟებასთან დაკავშირებით, რომლის დამონტაჟებაც ხანძრის ადგილიდან დაახლოებით 5 კილომეტრში იყო დაგეგმილი და აღნიშნულ ტერიტორიასა და ტურბინას შორის ქალაქის ურბანული ზონაც იქნებოდა, თუმცა განაცხადი მალევე გაუქმდა.
ΕΛΕΤΑΕΝ-ი ხაზს უსვამს, რომ ქარის ელექტროსადგურების განთავსება კანონით დაშვებულია ტყიან ტერიტორიებშიც მკაცრი პირობებით, შესაბამისად არ არსებობს მიზეზი, რომ ტყის განადგურება მათი მშენებლობისთვის იყოს საჭირო. ამავე წესით რეგულირდება სხვა ინფრასტრუქტურული საქმიანობებიც.
ასოციაციის თქმით, ხანძრის შედეგად დაზიანებული ტყეები პირიქით, ართულებს ქარის პროექტების ნებართვის პროცესს და არ ქმნის არც ეკონომიკურ და არც ტექნიკურ უპირატესობას.
ორგანიზაცია ასევე აღნიშნავს, რომ ხანძრის შედეგად დაზიანებულ ტერიტორიებზე ქარის ელექტროსადგურების მხოლოდ მცირე ნაწილია განთავსებული.
