სტიქიის შედეგად გარდაცვლილი მეშვიდე ადამიანი-69 წლის მამაკაცის ცხედარი დღეს ვოლოსში აღმოაჩინეს
სტიქიის შედეგად გარდაცვლილი კიდევ ერთი, 69 წლის მამაკაცი იპოვეს დღეს ვოლოსში, ისალუს მიდამოში, აგიო კონსტანტინოსა და ანაუროს პარკს შორის.
პირველი ინფორმაციით, მამაკაცი უგონო მდგომარეობაში ამოიყვანეს და შემდეგ ვოლოსის “ახილოპულიოს” საავადმყოფოში გადაიყვანეს, სადაც მისი გარდაცვალება დადასტურდა
ეს უკვე კლიმატური ფენომენის შედეგად გამოწვეული სტიქიის გამო გარდაცვალების მეშვიდე შემთხვევაა, რადგან ბოლო დღეებში კიდევ ექვსი ადამიანის გარდაცვალება უკვე დადასტურდა.
პირველი ინფორმაციით, მამაკაცი სახლიდან ხუთშაბათს ღამით (7/9) საღამოს 23:00 საათზე გავიდა, რათა ადგილობრივ შადრევანში წყლის ვედრო აევსო, თუმცა სახლში აღარ დაბრუნებულა.
როგორც ირკვევა, მამაკაცი, რადგან შადრევანში წყალი არ იყო, ზღვას მიუახლოვდა და როგორც ჩანს, კლდიდან გადავარდა, რადგან წონასწორობა დაკარგა.
ინფორმაციაში ნათქვამია, რომ თესალიის დაბლობზე უამინდობის გამო კიდევ ექვსი უგზო-უკვლოდ დაკარგულია, ხოლო შიშობენ, რომ მსხვერპლი დრამატულად გაიზრდება.
