ერთი წელი დედოფალ ელიზაბეტის გარდაცვალებიდან-ბრიტანეთი პატივს მიაგებს მონარქის ხსოვნას
დიდი ბრიტანეთი დღეს მოკრძალებულად აღნიშნავს დედოფალ ელიზაბეტის გარდაცვალების პირველ წლისთავს, 70 წლის ტახტზე ყოფნისა და მისი ვაჟის ჩარლზ III-ის კორონიზაციის შემდეგ.
დედოფალი ელიზაბეტი გარდაიცვალა 2022 წლის 8 სექტემბერს, 96 წლის ასაკში შოტლანდიაში, ბალმორალის ციხესიმაგრეში, სადაც ატარებდა ზაფხულს, რის შემდეგაც გართიანებული სამეფოს ისტორიაში ახალი ფურცელი გადაიშალა.
დღეს, ერთი წლის შემდეგ, არც ერთი მნიშვნელოვანი საჯარო ღონისძიება არ არის დაგეგმილი ამ ეპოქის დასასრულის აღსანიშნავად. მეფე და დედოფალი კამილა, რომლებიც ბალმორალში იმყოფებიან, აგრძელებენ ელიზაბეტის მიერ შემოღებულ ტრადიციას-ილოცებენ ახლომდებარე ეკლესიაში, ხოლო გვირგვინოსანი პრინცი უილიამი და მისი მეუღლე ქეითი დაესწრებიან კერძო წირვას უელსის წმინდა დევისის ტაძარში, ქალაქში, რომელსაც დედოფალი ელიზაბეტი 1955 წელს ეწვია.
„ჩვენ დიდი სიყვარულით ვიხსენებთ მის ხანგრძლივ ცხოვრებას, მის თავდადებულ მსახურებას, თუ რას ნიშნავდა ის ყველა ჩვენგანისთვის“, – თქვა მეფე ჩარლზმა საიუბილეო გზავნილში, რომელიც ბრიტანული გაზეთების პირველ გვერდებზე გამოქვეყნდა.
“მე ასევე მადლობელი ვარ ჩემი და პირადად ჩემი მეუღლისადმი სიყვარულისა და მხარდაჭერისთვის მთელი ამ წლის განმავლობაში, ჩვენ ყველაფერს ვაკეთებთ რომ გემსახუროთ ყველას.”
მთელი ცხოვრების ლოდინის შემდეგ ახალ მონარქს „პრემიერებით“ სავსე წელი ჰქონდა. მან დანიშნა პრემიერ მინისტრი, რიში სუნაკი, გადასცა თავისი პირველი საშობაო გზავნილი, რომელშიც მან გამოხატა თავისი შეშფოთება ადამიანების მიმართ, რომლებიც დაზარალდნენ მზარდი კრიზისის შედეგად და განახორციელა თავისი პირველი ვიზიტი საზღვარგარეთ გერმანიაში და საფრანგეთში სექტემბრის ბოლოს. ასევე ის მიესალმა სახელმწიფოს მეთაურებს, როგორიცაა აშშ-ის პრეზიდენტი ჯო ბაიდენი და უკრაინის პრეზიდენტი ვოლოდიმირ ზელენსკი.
