ტერორისტული ქსელი საბერძნეთის ტერიტორიაზე თავდასხმებს გეგმავდა

საბერძნეთის პოლიცია და ეროვნული სადაზვერვო სამსახური   აწარმოებდნენ კოორდინირებულ მოქმედებებს ტერორისტული ქსელის დასაშლელად , რომელიც საზღვარგარეთიდან ხელმძღვანელობით გეგმავდა თავდასხმებს საბერძნეთის ტერიტორიაზე საგულდაგულოდ შერჩეულ სამიზნეებზე.

ეროვნული დაზვერვის სამსახურის მიერ შეგროვებული და დამუშავებული ინფორმაციის საფუძველზე , ტერიტორიის სხვადასხვა რაიონში განხორციელდა EYP-ისა და ანტიტერორისტული სამსახურის (D.A.E.B.) კოორდინირებული ოპერაციები.

ორი სამსახურის ამ კოორდინირებული ქმედებების კონტექსტში დააკავეს  29 და 27 წლის ორი პაკისტანელი.

როგორც გამოიკვეთა, მათი მიზანი იყო არა მხოლოდ უდანაშაულო მოქალაქეებისთვის ზიანის მიყენება, არამედ ქვეყანაში უსაფრთხოების განცდის  შესუსტება, ამავდროულად მისი ინსტიტუტების დაზიანება და საერთაშორისო ურთიერთობებისთვის  საფრთხის შექმნა.

აღძრულია სისხლის სამართლის საქმე, ხოლო  დილის საათებში დაკავებულები ათენის საოლქო პროკურატურაში გადაიყვანეს.