ტრაგედია ტრიკალაში: 15 წლის გოგონა ღამის კლუბში გარდაიცვალა

ტრაგიკული შემთხვევა მოხდა   ტრიკალაში.

დღეს, დილით ადრე, სკოლის მოსწავლე ღამის კლუბში გარდაიცვალა.

გავრცელებული  ცნობით , ბაირონის სკოლის  15 წლის მოსწავლე კლასელებთან ერთად ღამის კლუბში მხიარულობდა.

რაღაც მომენტში, დაახლოებით ღამის 1 საათზე, მან თავი ცუდად იგრძნო და გონება დაკარგა.

გოგონა ტრიკალას გენერალურ საავადმყოფოში გადაიყვანეს , სადაც ექიმები მის გადარჩენას ცდილობდნენ, მაგრამ უშედეგოდ.

მისი გარდაცვალების მიზეზები უცნობია. თუმცა, გავრცელებული ინფორმაციით, 15 წლის მოზარდს ჯანმრთელობის გარკვეული პრობლემა ჰქონდა.

მომხდარის შესახებ მშობლებს შეატყობინეს და შუაღამისას საავადმყოფოში მისულებს  უკვე მათი შვილის ტრაგიკული გარდაცვალების  შესახებ აცნობეს.

ტრაგედიის გამომწვევ მიზეზებზე, სავარაუდოდ, ექსპერტიზა გასცემს პასუხებს.