უჩვეულო სანახაობა პირეაზე: პატარძალი ეკლესიაში ტროლეიბუსით მივიდა

პირეაზე საკმაოდ ორიგინალური საქორწინო ცერემონია გაიმართა. კერძოდ, პატარძალმა ეკლესიაში მისასვლელად უჩვეულო გზა აირჩია.

გავრცელებული ცნობით, პატარძალი მამის თანხლებით პირეაზე, კამინიაში, აგიოს ელეფთერიოს სახელობის ეკლესიაში, არა ძვირადღირებული მანქანით, არამედ ტროლეიბუსით მივიდა!

ეს არის ერთადერთი საჯარო სატრანსპორტო საშუალება, რომელიც გადის აგიოს ელეფთერიოს ქუჩაზე და პირეას აღნიშნული უბნის დამახასიათებელ დეტალს წარმოადგენს.

თუმცა, როგორც ჩანს, ეს ნაბიჯი საკმაოდ ეფექტური აღმოჩნდა, რადგან  როცა პატარძალი ტროლეიბუსიდან ჩამოვიდა, საქორწინო ცერემონიის ამ საკმაოდ ორიგინალური და გამორჩეული ნაწილის  აღსაბეჭდად მას გარშემო ცნობისმოყვარე ფოტოგრაფების და რეპორტიორების ჯგუფი დახვდა!

ვიდეო: