ქვეყანაში გაბატონებულ სიცხის ტალღას ბოლო არ უჩანს

ქვეყანაში გაბატონებულ სიცხის ტალღას ბოლო არ უჩანს

საბერძნეთში გაბატონებული ხანგრძლივი სიცხის ტალღის მთავარი მახასიათებელი ურბანული ცენტრების სითბურ სფეროში გამომწყვდევის ფენომენია.

სინოპტიკოსები აცხადებენ, რომ სიცხე იქნება ინტენსიური და კუმულაციური, შესაბამისად ექნება მკვეთრი გავლენა როგორც დღის ასევე ღამის საათებშიც. 

სამშაბათს ტემპერატურამ ათენსა და ფლორინაში 40 გრადუსსაც კი გადააჭარბა. ბარომეტრი დედაქალაქში დილიდანვე 30 გრადუსს აჩვენებდა, რაც გაუსაძლისს ხდის ქალაქში გადაადგილებას. 

მაღალ ტემპერატურას კიდევ უფრო გაუსაძლისს ხდიან დასავლეთის ცხელი ქარები.

საკმაოდ მძიმე სურათი გვაქვს თესალიაშიც, სადაც ბარომეტრი 43 გრადუსს გადააჭარბებს. სამოქალაქო დაცვის სამინისტრო აცხადებს, რომ განსაკუთრებით მაღალი იქნება ხანძრის გაჩენის საშიშროება როგორც თესალიაში, ასევე ლაკონიასა და მესინიაში. 

კვირის ბოლომდე მოსალოდნელია ტემპერატურის 44 გრადუსამდე მატება სრულიად ქვეყნის მასშტაბით.