Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთისაზოგადოება

შეხვედრა ატიკის მუნიციპალიტეტების სამოქალაქო დაცვის წარმომადგენლებთან — ხანძრების პრევენციის ზომების გაძლიერება იგეგმება

შეხვედრა ატიკის მუნიციპალიტეტების სამოქალაქო დაცვის წარმომადგენლებთან — ხანძრების პრევენციის ზომების გაძლიერება იგეგმება

საბერძნეთის კლიმატური კრიზისისა და სამოქალაქო დაცვის მინისტრმა, ევანგელოს ტურნასმა, შეხვედრა გამართა ატიკის ყველა მუნიციპალიტეტის სამოქალაქო დაცვის ვიცე-მერთან. შეხვედრის მთავარი თემა იყო მიწის ნაკვეთებისა და ეზოების გაწმენდის კოორდინაცია, კონტროლის მექანიზმები და სანქციების აღსრულება ხანძარსაშიში სეზონის პიკის დადგომამდე.

მინისტრის განცხადებით, ქვეყანა რთულ პერიოდს უახლოვდება, რადგან მოსალოდნელია მაღალი ტემპერატურები, გვალვა და ძლიერი ქარები, ხოლო გაზაფხულის უხვი ნალექების შედეგად გაზრდილია მშრალი მცენარეული მასა, რაც ხანძრის რისკს მნიშვნელოვნად ზრდის.

1 მაისიდან დღემდე საბერძნეთში 803 ხანძარი დაფიქსირდა. ხელისუფლება განსაკუთრებულ ყურადღებას უთმობს როგორც გაუფრთხილებლობით, ისე განზრახ გამოწვეული ხანძრების პრევენციას. ამ მიზნით გაძლიერებულია სპეციალური საგამოძიებო სამსახურები და გამოიყენება 108 დრონი, მათ შორის 33 დედაქალაქში.

მინისტრმა კიდევ ერთხელ აღნიშნა, რომ მიწის ნაკვეთების გაწმენდისა და შესაბამისი დეკლარაციის წარდგენის საბოლოო ვადაა 22 ივნისი და მისი გადავადება აღარ მოხდება. 23 ივნისიდან მუნიციპალიტეტები დაიწყებენ მასობრივ შემოწმებებს და ჯარიმების დაკისრებას.

სანქციები:

  • 500 ევრო — იმ შემთხვევაში თუ მიწისნაკვეთი არ გაიწმინდა და შესაბამისად არ არის შევსებული დეკლარაცია;
  • 100 ევრო — გაწმენდის მიუხედავად დეკლარაციის არშეტანისთვის;
  • 5 000 ევრო და მინიმუმ 6 თვიანი პატიმრობა — ცრუ დეკლარაციის წარდგენისთვის.

მინისტრმა მოუწოდა მუნიციპალიტეტებსა და მოქალაქეებს, გააძლიერონ პრევენციული ღონისძიებები, რადგან ხანძრების რაოდენობისა და საწვავი მასალის შემცირება ადამიანების, ქონებისა და გარემოს დაცვის უმნიშვნელოვანესი წინაპირობაა.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *