შოუ მექსიკის კონგრესში-“უცხოპლანეტელთა ცხედრები” წარდგენილი იქნა ცნობილი უფოლოგის მიერ
დღეს, კონგრესში მექსიკელ პოლიტიკოსებს 1000 წლის წინანდელი ” არამიწიერი” წარმოშობის გვამები წარუდგინეს.
ეს ორი პატარა ადამიანის მსგავსი ჩონჩხი ამოღებული იქნა კუსკოდან, პერუში და წარადგინეს კონგრესში, რამაც მღელვარება გამოიწვია უცხოპლანეტელებზე შეთქმულების თეორიტიკოსთა საზოგადოებაში.
ღონისძიებას ხელმძღვანელობდა ჟურნალისტი და უფოლოგი ჯეიმე მაუსანი, რომელმაც ფიცის ქვეშ განაცხადა, რომ ეს ორი მუმიფიცირებული სხეული არ არის მიწიერი წარმოშობის, რადგან მათი დნმ-ის მესამედი უცნობი რჩება, იტყობინება მექსიკის მედია.
მაუსანმა განუცხადა დამსწრეებს, რომ წარმოდგენილი ნიმუშები შეისწავლეს მექსიკის უნივერსიტეტის მეცნიერებმა, რომლებმაც მოიპოვეს დნმ-ის ნიმუშები რადიოკარბონული დათარიღების გამოყენებით.
დნმ-ის სხვა ნიმუშებთან შედარებისას გაირკვა, აღნიშნული ნიმუშების დნმ-ის 30%- ზე მეტი უცნობი წარმომავლობის იყო.
აღსანიშნავია, რომ მაუსანი ცნობილია თავისი პრეტენზიებით ” უცხო” აღმოჩენების შესახებ, რომლებიც მოგვიანებით არ დადასტურდა. მათ შორის 2017 წელს პერუში ნაპოვნი ხუთი მუმია, რომლებიც როგორც მოგვიანებით გაირკვა, გარდაცვლილი ბავშვები იყვნენ.
