Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთიბუნებრივი მოვლენები

ჩრდილოეთის ნათებამ საბერძნეთამდე მოაღწია: წითელი ცა ცენტრალურ მაკედონიაში

კვირას ღამით მზის ზედაპირზე ძლიერმა აფეთქებამ მასიური გეომაგნიტური ქარიშხალი გამოიწვია. მოვლენა შესამჩნევი იყო ბალკანეთის ქვეყნებში და მათ შორის საბერძნეთშიც მას შემდეგ, როდესაც ცა ჟოლოსფრად შეფერადდა. ძალიან იშვიათმა, წითელი ავრორას ფენომენმა  უპრეცედენტო სანახაობა აჩუქა  ცენტრალური მაკედონიის მაცხოვრებლებს.

როგორც ფეისბუქ მომხმარებლები აღნიშნავენ,  წითელი ნათება საკმაოდ შესამჩნევი იყო საქართველოს ცაზეც.

სანახაობა უზარმაზარ ცეცხლოვან ფრონტს ჰგავდა, მაგრამ სინამდვილეში ეს იყო ჩრდილოეთის ნათება, უკიდურესად იშვიათი ფენომენი, რომელიც პირველად გახდა  ხილული ბალკანეთის ქვეყნებში და შესამჩნევი იყო სერესამდე, ასევე ცენტრალური მაკედონიის სხვა რაიონებშიც.

ბუნებრივი მოვლენის მიზეზი პირველი შეფასებით, იყო უკიდურესად ძლიერი მზის აფეთქება, რამაც გამოიწვია განსაკუთრებით ძლიერი გეომაგნიტური ქარიშხალი, რომელიც მიმდინარეობს ჩრდილოეთ ნახევარსფეროზე, აღნიშნა EMY-ის დირექტორმა თოდორის კოლიდასმა თავის პოსტში.

სტატისტიკურად, პრაქტიკულად და მეცნიერულად შეუძლებელია ჩრდილოეთის ნათებამ მიაღწიოს ჩრდილოეთ ნახევარსფეროს ყველაზე სამხრეთ განედებს, რადგან ეს მოვლენა დამახასიათებელია მხოლოდ ჩრდილოეთის ქვეყნებისთვის, რადგან ისინი უფრო ახლოს არიან ჩრდილოეთ პოლუსთან.

და მაინც, პირველად, ჩრდილოეთის ნათება ხილული გახდა თითქმის მთელ ძველ კონტინენტზე და გრძელდებოდა საბერძნეთის ჩრდილოეთ ტერიტორიამდე, რითაც ქმნიდა უნიკალური სილამაზის, მაგრამ შეიძლება ითქვას გარკვეულწილად საშიშ გამოსახულებებს.

ზოგადად ჩრდილოეთის ციალის წითელი შეფერილობა  გამოწვეულია დაბალი ენერგიის ნაწილაკების შეჯახებით ჟანგბადის ატომებთან დიდ სიმაღლეზე (240 კმ) მზის ინტენსიური აქტივობის შემდეგ, მზის პლაზმის უზარმაზარი რაოდენობის გამოდევნის შემდეგ მზის ზედაპირიდან, რომელიც მიმართულია დედამიწისკენ.

მაგრამ როდესაც ჩრდილოეთის ციალი მწვანე შეფერილობისაა, ეს გამოწვეულია უფრო მაღალი ენერგიის ნაწილაკების შეჯახებით ჟანგბადის ატომებთან დაბალ სიმაღლეებზე, რის შედეგადაც წარმოიქმნება ფოტონები, რომლებიც ასხივებენ მწვანე ფერს.

ვიდეო:

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *