წარმოუდგენელი ტრაგედია კატერინში: ტრაგიკულად დაიღუპა 38 წლის ქალი-მანქანას, რომელსაც ის მართავდა, ცეცხლი გაუჩნდა

წარმოუდგენელი ტრაგედია  მოხდა შაბათს, ნაშუადღევს კატერინში. უბედური შემთხვევის შედეგად დაიღუპა 38 წლის ქალი, სამი შვილის დედა, რომელიც საკუთარ მანქანაში ცოცხლად დაიწვა.

როგორც ადგილობრივი მედია იტყობინება, მანქანას, რომელსაც ქალი მართავდა, ფარმაკის ქუჩაზე მოძრაობისას მოულოდნელად ცეცხლი გაუჩნდა.  მანქანა ნარჩენების გადასამუშავებელი ურნის გვერდით გაჩერდა, მაგრამ ქალმა ვერ შეძლო გადმოსვლა და ცეცხლში გახვეული საშინელი სიკვდილით გარდაიცვალა.

შემთხვევის ადგილზე მყოფი გამვლელები შეეცადნენ დახმარებოდნენ ქალს, მაგრამ ვერ შეძლეს, რადგან მანქანა სწრაფად აალდა.

ისინი ცეცხლმაქრებით ხელში ცდილობდნენ ცეცხლის ჩაქრობას, მაგრამ უკვე გვიანი იყო და მცდელობას აზრი არ ჰქონდა. 38 წლის ქალი მანქანაში დაიწვა.