ხალკიდიკი: ქალმა ფასიან სანაპიროზე საკვები ამოიღო და შენიშვნა მიიღო-რას პასუხობენ მენეჯერები
სერიოზული საჩივარი შეიტანა სალონიკში, სითონია ხალკიდიკის კერძო პლაჟის ბარის მომსახურე პერსონალის წინააღმდეგ ქალმა, რომელიც ამტკიცებდა, რომ მას აუკრძალეს პლაჟზე ყოფნის დროს შვილისთვის სახლიდან მიტანილი საკვების მიცემა და მოუწოდეს ბავშვის გამოსაკვებად მანქანაში ჩამჯდარიყო.
როგორც დედამ აღწერა, ოჯახთან ერთად ფასიან სანაპიროზე მისვლისას მათ იქირავეს შეზლონგები, ასევე მიირთვეს ყავა და შეიძინეს საკვები ადგილობრივი ბარიდან, თუმცა, როგორც მან აღნიშნა, უპრეცედენტო ფაქტის წინაშე დადგა, როდესაც ბარის სერვიტორებმა არ მისცეს უფლება ბავშვისთვის სახლიდან მიტანილი სადილი მიეცა და მოუწოდეს ამისთვის კერძო ტერიტორია დაეტოვებინა და მანქანაში ჩამჯდარიყო.
თავის მხრივ Sithonia Halkidiki-ის სანაპირო ბარის მენეჯერები დედის საჩივრის საპირისპიროდ მომხდარის საკუთარ ვერსიას ავრცელებენ.
“ბავშვებისთვის ყველაფერი ნებადართულია” – განაცხადა ბარის მენეჯერმა, სადაც ინციდენტი მოხდა.
„ქალბატონმა თან მოიტანა საჭმელი- ეს იყო “პასტიციო”. ბავშვებისთვის დაშვებულია სანაპიროზე საკუთარი საკვების მიცემა და მაცივარშიც კი ვინახავთ, რომ არ გაფუჭდეს, მაგრამ ქალბატონმა საჭმელი ამოიღო და იმის მაგივრად, რომ შვილისთვის მიეცა, თვითონ და მისმა მეუღლემ მიირთვეს. მიმტანის მოვალეობა იყო ქალბატონისთვის ეცნობებინა, რომ ის ორგანიზებულ სანაპიროზე იმყოფებოდა და ჩვენთან არ ვუშვებთ კლიენტებს თან მოტანილი საკვებით. ეს დასაშვებია ხოლოდ ბავშვებისთვის-“აცხადებს მენეჯერი და ირწმუნება რომ მათი ქმედება კანონიერი იყო.
