ხანდაზმულმა ბერძენმა პენსიონერებმა ხარჯების შემცირების მიზნით ერთ ჭერქვეშ ცხოვრება გადაწყვიტეს

გაძვირებული ცხოვრების,  გაზრდილი ფასების-მათ შორის ბინის ქირის, ასევე  ყოველდღიური ხარჯების შემცირების მიზნით, მარტოობისგან თავის დასაღწევად და იმისათვის რომ შვილებს არ დააწვნენ მხრებზე ტვირთად, რამდენიმე ხანდაზმულმა ბერძენმა პენსიონერმა გადაწყვიტა ერთ ჭერქვეშ ეცხოვრათ და შექმნეს 60 წელზე უფროსი ასაკის და დაბალი პენსიის მქონე  მეგობრების თანაცხოვრების ჯგუფი, რომელიც, გარდა თანაცხოვრებისა, მოიცავს ერთობლივ აქტივობებსაც, როგორიცაა მაგალითად ექსკურსიები.

საბოლოოდ შეიქმნა მოხუცთა პანსიონის მსგავსი დაწესებულება, რომლის წევრთა რაოდენობაც უკვე 300-ს აჭარბებს.

“გუნდი დაფუძნებულია მეგობრობაზე. მარტოობამ მიგვიყვანა ამ გადაწყვეტილებამდე. ჩვენ არ გვინდოდა ჩვენს შვილებს ტვირთად დავწოლოდით. პენსიაზე გასვლის შემდეგ ძალიან ბევრი ადამიანის ცხოვრება რადიკალურად იცვლება, ძალიან ბევრი მოვლენა თითქოსდა მათი ცხოვრების მიღმა რჩება.

აქ ძალიან კარგი მეგობრები შევიძინე, დავდივართ ტავერნებში, ექსკურსიებზე და ასე შემდეგ… აქ ჩვენ ვსწავლობთ ჩვენი ცხოვრების მართვას ხანდაზმულ ასაკში ისე, რომ არ გავხვდეთ სხვებისთვის ტვირთი”,- ამბობს კლუბის ერთ-ერთი ასაკოვანი წევრი.