მიწისძვრა ევიაში: მედიაში პირველი კადრები ვრცელდება-რას ამბობენ სეისმოლოგები
დღეს დილით, ევიაში მომხდარი მიწისძვრის შემდეგ ადგილობრივ მედიაში პირველი კადრები ვრცელდება. მიუხედავად 5,2 მაგნიტუდისა მიწისძვრის შედეგად მიღებული ზარალი დიდი არ არის, თუმცა დაზიანებულია მაღაზიები და სავაჭრო ობიექტები, ჩამსხვრეულია მინები. მეწყერი ჩამოწვა მიწისძვრის ეპიცენტრთან ახლოს მდებარე სოფელ პილის გზაზე. ეგეოსის აღმოსავლეთ მხარეს, კაკია სკალასთან გზა ჩახერგილია.
ამავდროულად სამოქალაქო დაცვის ძალები სრულ მზადყოფნაში არიან და სახანძრო სამაშველო ძალები ტერიტორიაზე მუდმივ პატრულირებას ახორციელებენ. მათი ინფორმაციით ამ დრომდე გამოძახება არ ყოფილა.
სეისმოლოგების თქმით მიწისძვრა მთიან რაიონში მოხდა, რაც არ იწვევს შეშფოთებას.
ანტისეისმური დაგეგმარების და დაცვის სამსახურის პრეზიდენტის ევთიმიოს ლეკას განცხადებით, ეს მიწისძვრა მოხდა დიდი ხნის აქტიური სეისმურობის მქონე რაიონში, რომელსაც დიდი მიწისძვრები არასდროს გამოუწვევია. მოსალოდნელია მხოლოდ მცირე მაგნიტუდის განმეორებითი ბიძგები, რასაც გარკვეული ყურადღება სჭირდება, თუმცა პანიკის საფუძველი არ არსებობს.
ვიდეო:
