ხანია: დააკავეს 34 წლის კაცი, რომელსაც ბრალად 11 მაღაზიის და სახლის გაძარცვა ედება
ხანია: დააკავეს 34 წლის კაცი, რომელსაც ბრალად 11 მაღაზიის და სახლის გაძარცვა ედება
protothema.gr ავრცელებს ვიდეო მასალას, სადაც ჩანს, თუ როგორ იპარავს თანხას სალაროდან 34 წლის უცხო ქვეყნის მოქალაქე.
პირველ ვიდეოში ჩანს, რომ 34 წლის მძარცველი, რომელსაც 33 წლის საბერძნეთის მოქალაქე ჰყავდა თანამზრახველად, შედის მაღაზიაში და ცლის სალაროს.
მეორე ვიდეოში კი ჩანს, თუ როგორ ათვალიერებს ერთ-ერთ მის სამიზნეს და შემდეგ გარბის დანაშაულის ადგილიდან, რადგან მეპატრონეებმა შენიშნეს.
დამნაშავე პარასკევს გამთენიისას, ერთ-ერთი მაღაზიის გაძარცვის მცდელობისას, დანაშაულის ადგილზე აიყვანეს.
გამოძიების შედეგად დადგინდა, რომ 17 მაისიდან 27 ივნისამდე 34 წლის კაცს, 33 წლის თანამზრახველთან ერთად 11 სახლი და მაღაზია ჰქონდათ გაძარცვული ხანიის ცენტრში. მძარცველებმა აღნიშნული ადგილებიდან გაიტანეს როგორც თანხა, ასევე ძვირფასეულობაც, რომლის ღირებულებაც 10 000 ევროს აჭარბებს.
