ხვალ დედაქალაქი ტაქსის მძღოლების გარეშე დარჩება

ხვალ დედაქალაქი ტაქსის მძღოლების გარეშე დარჩება

ტაქსის გარეშე დარჩება ათენი და სალონიკი ხვალ 13 იანვრის  დილის 6 საათიდან. გაფიცვა 14 იანვრამდე გაგრძელდება. 

გაფიცულები 13 იანვარს დილის 10 საათზე შეიკრიბებიან და ავტომანქანებით სატრანსპორტო სამინისტროსკენ გაემართებიან, სადაც მთავარ საპროტესტო აქციას გაიმართავენ.

გავრცელებული ინფორმაციის თანახმად გაფიცვას უერთდებიან ტაქსის მძღოლები ვოლოსიდან, რომლებიც 14 იანვრიდან გააჩერებენ სატრანსპორტო საშუალებას. 

ატიკის ტაქსის მძღოლთა კავშირის პრეზიდენტმა, თიმიოს ლიბეროპულოსმა განაცხადა, რომ გაფიცვებს ექნებათ განმეორებითი ხასიათი და დედაქალაქსა და სალონიკში დაწყებული გაფიცვა სრულიად შესაძლებელია რომ საყოველთაო გაფიცვაში გადაიზარდოს.