10 წელი გავიდა მას შემდეგ რაც 20 წლის სტუდენტმა, ვანგელის იაკუმაკისმა სიცოცხლე ტრაგიკულად დაასრულა
10 წელი გავიდა მას შემდეგ რაც 20 წლის სტუდენტმა, ვანგელის იაკუმაკისმა სიცოცხლე ტრაგიკულად დაასრულა
10 წელი გავიდა მას შემდეგ, რაც 20 წლის სტუდენტმა კრეტადან ტრაგიკულად დაასრულა სიცოცხლე.
ვანგელის იაკუმაკისი ბულინგის წინააღმდეგ ბრძოლის სიმბოლოდ იქცა.
შეგახსენებთ, რომ სტუდენტი საცხოვრებლიდან გაუჩინარდა და გაუჩინარებიდან 40 დღის შემდეგ, 2015 წლის 15 მარტს, უნივერსიტეტიდან 800 მეტრში გარდაცვლილი იპოვეს.
გამოძიების შედეგად დადგინდა, რომ ვანგელისი ბულინგისა და საშინელი ძალადობის მსხვერპლი იყო.
ბრალდების მხარემ ჯამში სტუდენტზე ძალადობის 23 შემთხვევა შეაგროვა.
ძალადობის შემთხვევებიდან ერთ-ერთი მაშინ დაფიქსირდა, როცა სტუდენტებმა მსხვერპლს ყელზე მარყუჟი შემოახვიეს და საცემად წაათრიეს.
იყო შემთხვევები, როცა 20 წლის ბიჭს სახე წებოვანი ლენტით დაუფარეს და სასქესო ორგანოს მიმდებარე ტერიტორიაზე ურტყეს.
სტუდენტის ცხედრის აღმოჩენის შემდეგ გაიმართა არაერთი საპროტესტო აქცია ძალადობის წინააღმდეგ, რომელთა შედეგადაც იმ დროისთვის სკოლის დირექტორი დაუყოვნებლივ გათავისუფლდა სამსახურიდან და რომელსაც 3 წლიანი პირობითი პატიმრობა შეეფარდა.
