2026 წლის ივლისი საბერძნეთში ჩვეულებრივზე უფრო ცხელი იქნება
2026 წლის ივლისი საბერძნეთში ჩვეულებრივზე უფრო ცხელი იქნება
საბერძნეთის ეროვნული მეტეოროლოგიური სადგურის მიერ გავრცელებული ინფორმაციის თანახმად 2026 წლის ივლისი სამხრეთ-აღმოსავლეთ ევროპაში, მათ შორის საბერძნეთში, საშუალო მაჩვენებლებზე უფრო თბილი იქნება.
ევროპის კლიმატის მონიტორინგის სამსახურის (Copernicus) მონაცემებით, არსებული 400 პროგნოზული სცენარის 92% მიუთითებს, რომ ივლისის საშუალო ტემპერატურა სეზონურ ნორმას გადააჭარბებს.
პროგნოზი ეყრდნობა მსოფლიოს რვა წამყვანი მეტეოროლოგიური ცენტრის მონაცემებს, მათ შორის ევროპის, დიდი ბრიტანეთის, საფრანგეთის, აშშ-ის, გერმანიის, იტალიის, იაპონიისა და ავსტრალიის სამეცნიერო ინსტიტუტების შეფასებებს.
სპეციალისტები აღნიშნავენ, რომ გრძელვადიანი პროგნოზები მაღალი გაურკვევლობით ხასიათდება და მხოლოდ ზოგად ტენდენციას ასახავს. კონკრეტულ დღეებში და ცალკეულ რეგიონებში ტემპერატურა შესაძლოა მნიშვნელოვნად განსხვავდებოდეს საშუალო მაჩვენებლებისგან.
ამასთან, მაისის თვის მაგალითმა აჩვენა, რომ რეალური ტემპერატურა პროგნოზირებულზე დაბალი აღმოჩნდა, რაც კიდევ ერთხელ უსვამს ხაზს გრძელვადიანი ამინდის პროგნოზების სიფრთხილით შეფასების აუცილებლობას.
