26 ივლისიდან მეტროს მე-3 ხაზის რამდენიმე სადგური დროზე ადრე დაიკეტება
26 ივლისიდან მეტროს მე-3 ხაზის რამდენიმე სადგური დროზე ადრე დაიკეტება
26 ივლისიდან ათენის მეტროს მე-3 ხაზზე სარემონტო სამუშაოების გამო დროებითი შეზღუდვები ამოქმედდება. რელსების შეცვლის სამუშაოების ფარგლებში კვირიდან ხუთშაბათის ჩათვლით სადგურები სინდაღმა (მე-3 ხაზი), ევანგელიზმოს და მეგარო მუსიკის საღამოს 21:40 საათზე დაიკეტება.
სინდაღმის სადგური მეტროს მე-2 ხაზისთვის ჩვეულ რეჟიმში იმუშავებს.
სამუშაოების პერიოდში მატარებლები იმოძრავებენ ორ დამოუკიდებელ მონაკვეთზე:
- დიმოტიკო თეატრო – მონასტირაკი
- ამბელოკიპი – დუკისის პლაკენტიას – აეროპორტი
აეროპორტის მიმართულებით ცვლილებები
21:40 საათის შემდეგ აეროპორტისკენ მიმავალი მატარებლები ამბელოკიპის სადგურიდან აიყვანენ მგზავრებს, ხოლო აეროპორტიდან მომავალი რეისები სწორედ ამ სადგურზე დაასრულებენ მოძრაობას.
მგზავრთა მომსახურებისთვის ათენის საქალაქო ტრანსპორტის ორგანიზაცია (ΟΑΣΑ) დროებით აამოქმედებს ავტობუსის ხაზს X23, რომელიც მონასტირაკისა და ამბელოკიპის მეტროს სადგურებს დააკავშირებს და გზად ყველა დახურულ სადგურთან გაჩერდება, მათ შორის:
- ომონია
- სინდაღმა
- ევანგელიზმოს
- მეღარო მუსიკის
ავტობუსი იმუშავებს კვირიდან ხუთშაბათის ჩათვლით, 21:40 საათიდან მეტროს მოძრაობის დასრულებამდე.
საბერძნეთის ფიქსირებული მარშრუტის ტრანსპორტის სააქციო საზოგადოება (ΣΤΑΣΥ) აცხადებს, რომ მგზავრებისთვის შექმნილი დროებითი დისკომფორტი აუცილებელია მნიშვნელოვანი ინფრასტრუქტურული სამუშაოების შესასრულებლად, რაც მომავალში მეტროს მოძრაობის უსაფრთხოებასა და ყოველდღიური მგზავრობის ხარისხს გააუმჯობესებს.
