3 აგვისტოს საბერძნეთის სამ რეგიონში ხანძრის გაჩენის მაღალი რისკია
3 აგვისტოს საბერძნეთის სამ რეგიონში ხანძრის გაჩენის მაღალი რისკია
კლიმატური კრიზისისა და სამოქალაქო დაცვის სამინისტროს სამოქალაქო დაცვის გენერალური სამდივნოს მიერ გამოქვეყნებული ხანძარსაშიშროების პროგნოზის რუკის თანახმად, 3 აგვისტოს ატიკაში, ვიოტიასა და ევიაზე ხანძრის გაჩენის ძალიან მაღალი რისკი (რისკის მე-4 კატეგორია) არსებობს.
სამოქალაქო დაცვის სამინისტროს გენერალურმა სამდივნომ პასუხისმგებელ ორგანოებს საგანგებო რეჟიმში გადასვლისკენ მოუწოდა, ხოლო ადგილობრივ მოსახლეობას კი განსაკუთრებული სიფრთხილისკენ.
სახანძრო სამსახურის წარმომადგენლები აცხადებენ რომ ქვეყნის მასშტაბით მომხდარი მრავალრიცხოვანი ინციდენტებისა და არსებული ამინდის პირობების გამო, სახანძრო სამსახურის პერსონალი მთელი ქვეყნის მასშტაბით მზადყოფნის რეჟიმში რჩება, რათა გაუმკლავდეს გაზრდილ ოპერატიულ საჭიროებებს.
