4 წლის გოგონას მკვლელობაში ბრალდებულ დედას დღეს გადაიყვანენ პროკურორთან ჩვენების მისაცემად
4 წლის გოგონას მკვლელობაში ბრალდებულ დედას დღეს გადაიყვანენ პროკურორთან ჩვენების მისაცემად
პალეო ფალიროში ნაპოვნი დამხრჩვალი გოგონას დედა 27 წლის ალჟირის მოქალაქეა, რომელსაც დღეს, შაბათს, 2 აგვისტოს გადაიყვანენ პროკურორთან ჩვენების მისაცემად.
ბრალდებულმა დაკავებისას განაცხადა, რომ გოგონა სახლში, სააბაზანოში დაშავდა. თუმცა მას დახმარების თხოვნის შეეშინდა, რადგან საბუთები არ აქვს და იფიქრა, რომ დააკავებდნენ. სწორედ ამიტომ წაიყვანა გოგონა სანაპიროზე მის 2 შვილთან ერთად და დაშავებული სანაპიროზე მიატოვა.
გამოძიების ხელთ არსებული ინფორმაციის თანახმად დაკავებულს წარსულშიც ჰქონდა სამართალდამცავი ორგანოებისგან გაფრთხილება მიღებული არასრულწოვნის სიცოცხლისთვის საფრთხისშემცველ გარემოში მიტოვების გამო.
ექიმი დიმიტრის ღალენდერისი, ჩატარებული ექსპერტიზის შედეგად სხეულზე აღმოჩენილ ძალადობრივ კვალზე საუბრობს: “გოგონას ფილტვებში წყალი და ქვიშა აღმოაჩნდა, რაც მიგვითითებს იმაზე, რომ სიკვდილი დახრჩობის შედეგად დადგა. გოგონა სანაპიროზე დაიხრჩო და არა ღია ზღვაში, რაც თავისთავად გამორიცხავს გოგონას სააბაზანოში დაშავების ისტორიას, რომელიც დედამ მოყვა. თავის არეში მიყენებული დაზიანებები, ასევე სახეზე და ტანზე მიყენებულია მაშინ, როცა გოგონა ჯერ კიდევ ცოცხალი იყო. ექსპერტიზის შედეგად დადგინდა, რომ ბავშვს ქრონიკული დაავადება ჰქონდა, რაც ჰბადებს ეჭვს, რომ ის განზრახ მოიშორეს თავიდან.
