40 წუთი ცდილობდნენ 2,5 წლის გოგონას გადარჩენას ექიმები, რომელიც კალითეაზე მდებარე შადრევანში ჩავარდა
40 წუთი ცდილობდნენ 2,5 წლის გოგონას გადარჩენას ექიმები, რომელიც კალითეაზე მდებარე შადრევანში ჩავარდა
კვირას ღამით კალითეაზე, კიპრუს მოედანზე მდებარე შადრევანში 2,5 წლის გოგონა უგონო მდგომარეობაში იპოვეს.
გოგონა შადრევანიდან პოლიციელებმა ამოიყვანეს, პირველადი დახმარება გაუწიეს და სასწრაფო დახმარების ბრიგადის დახმარებით აღლაია კირიაკუს ბავშვთა საავდმყოფოში გადაიყვანეს. ექიმებმა თავდაუზოგავი მცდელობების შედეგად გოგონას გადარჩენა შეძლეს.
ტელემაუწყებელი ΕΡΤ-ის მიერ გავრცელებული ინფორმაციის თანახმად ექიმები 40 წუთის განმავლობაში უწყვეტად ცდილობდნენ გოგონას გადარჩენას. აღნიშნული მცდელობების შედეგად გოგონას სიცოცხლის ნიშნები დაუბრუნდა და ის ამჟამად რეანიმაციაშია განთავსებული.
გავრცელებული ინფორმაციის თანახმად ბავშვი მამასთან ერთად იყო პარკში სასეირნოდ გასული. თუმცა გოგონა მამას მხედველობის არიდან დაუსხლტა და გამოძიებისთვის ამ დრომდე დაუდგენელ მიზეზთა გამო შადრევანში აღმოჩნდა.
პოლიციამ ბავშვის მამა დააკავა, ხოლო დედა საავადმყოფოში იმყოფება პოლიციის თანამშრომლების მეთვალყურეობის ქვეშ.
