4,5 ბალი სიმძლავრის მიწისძვრა ატიკის რეგიონში
4,5 მაგნიტუდის სიმძლავრით მიწისძვრა დღეს(22/4) დილით ატიკის რეგიონში დაფიქსირდა.
ეპიცენტრი ევიაში ზარაკესიდან 6 კილომეტრში იყო.
ამ დროისათვის ნგრევისა და დაშავებულების შესახებ ინფორმაცია არ ვრცელდება.
” ყველა გამოვედით სახლებიდან, ნივთები ძირს ცვიოდა, სოფელში დღეს ბაზრობა იყო და შეშინებული ხალხი პანიკამ მოიცვა, ყველას ეშინია უფრო დიდი მიწისძვრის”- ამბობს ადგილობრივი მაცხოვრებელი ევიადან.
მიწისძვრა იგრძნობოდა ათენის რაიონებში, განსაკუთრებით ჩრდილოეთ გარეუბნებში.
სეისმოლოგების განმარტებით უფრო ძლიერ მიწისძვრა მოსალოდნელი არ არის.
” მსგავსი სიდიდის მიწისძვრები უკვე შეინიშნება 2022 წლის ნოემბრის ბოლოდან.
ჩვენ უნდა დავაკვირდეთ ფენომენის ევოლუციას, მაგრამ არ მგონია, რომ გაცილებით დიდი მიწისძვრა იყოს მოსალოდნელი”- აცხადებს სეისმოლოგი გერასიმოს პაპადოპულოსი.
