9 და 10 სექტემბერს ტაქსის მძღოლები გაფიცვას აცხადებენ
9 და 10 სექტემბერს ტაქსის მძღოლები გაფიცვას აცხადებენ
ათენში ტაქსები არ იმოძრავებენ 9 და 10 სექტემბერს 48 საათიანი გაფიცვის ფარგლებში.
აღნიშნული გადაწყვეტილება ატიკის ტაქსის მძღოლთა პროფკავშირების პრეზიდენტმა, თიმიოს ლუბეროპულოსმა, რადიო გადაცემა “პარაპოლიტიკა 90,1”-ის ეთერში გამოაცხადა. ეს იქნება გამაფრთხილებელი გაფიცვა, რომლის შემდეგაც გაიმართება პროფკავშირების საბჭოს შეხვედრა პროტესტის შემდგომი ნაბიჯების განსახილველად.
“თუ საბერძნეთის ხელისუფლება მინისტრთა ერთობლივ გადაწვეტილებას არ გააუქმებს გაფიცვას მიეცემა მუდმივი ხასიათი, რადგან მინისტრთა ერთობლივი გადაწყვეტილების ფონზე ამ პროფესიის არსებობას აზრი არ აქვს.” – განაცხადა თიმიოს ლუბეროპულოსმა.
შეგახსენებთ, რომ მინისტთა საერთო გადაწყვეტილებით van-ის ტიპის ავტომანქანებს, შეეძლებათ სატრანსპორტო საშუალების ფუნქციის ოფიციალურად შესრულება, რაც შეამცირებს ტაქსიზე მოთხოვნას.
