9 აპრილიდან საბერძნეთის მოსახლეობა სააღდგომო კალათით სარგებლობას შეძლებს
9 აპრილიდან საბერძნეთის მოსახლეობა სააღდგომო კალათით სარგებლობას შეძლებს
სააღდგომო ბაზრის საჭირო და საკმარისი პროდუქციით მოსამარაგებლად და ფასების დასარეგულირებლად პასუხისმგებელმა სამინისტროებმა უკვე შეიმუშავეს გეგმა.
შვების მომგვრელია 1-ლი აპრილიდან მინიმალური ხელფასის მატებაც მოსახლეობისთვის და სააღდგომო ბონუსიც, რომელიც მძიმე კვირის ოთხშაბათამდე, 16 აპრილამდე უნდა დაერიცხოთ კერძო სექტორში დასაქმებულებს.
სააღდგომო კალათი სადღესასწაულო სუფრისთვის ყველაზე მოთხოვნად პროდუქტებს შეიცავს, როგორიცაა ცხვრისა და თხის ხორცი, სააღდგომო შოკოლადის კვერცხები, სააღდგომო ფუნთუშა “ცურეკი” და ზემოთ ჩამოთვლილ პროდუქტებზე ფასების სტაბილურობის შენარჩუნებას ითვალისწინებს.
სააღდგომო კალათი უკვე მესამე წელია ამოქმედებულია და წელსაც მისით სარგებლობას საბერძნეთის მოსახლეობა 9 აპრილიდან 19 აპრილამდე შეძლებს.
