უცნობმა პირებმა ანო ლიოსიაში საცხოვრებელ კორპუსს ხელყუმბარები ესროლეს
წუხელ ღამით უცნობმა თავდამსხმელებმა, რომლებიც მოტოციკლეტით გადაადგილდებოდნენ, ანო ლიოსიაში ერთ-ერთ საცხოვრებელ კორპუსს ორი ხელყუმბარა ესროლეს.
გავრცელებული ინფორმაციით, შემთხვევა 02:30 საათზე ანდრონიკუს და ანდრიანუპოლეოს ქუჩების შეერთებაზე მოხდა.
პოლიციის ინფორმაციით, ორმა უცნობმა მამაკაცმა ხელყუმბარები ისროლა და მაშინვე გაიქცა, შემთხვევის შედეგად კი არავინ დაშავებულა.
შემთხვევის ადგილზე მისულმა პოლიციამ ალყა შემოარტყა ტერიტორიას, ადგილზე მივიდა ფეთქებადი საბრძოლო მასალის განეიტრალების დეპარტამენტის ჯგუფი, რომელმაც შეაგროვა ყუმბარების ნარჩენები.
პოლიციამ დამნაშავეების იდენტიფიცირებისთვის გამოძიება დაიწყო.
Facebook Comments Box
