ვოლოსი- მეშვიდედ დააკავეს მძღოლი რომელიც ნასვამ მდგომარეობაში მართავდა
ამჯერად 22 თვით თავისუფლების აღკვეთა მიესაჯა 55 წლის მამაკაცს, რომელიც ნასვამ მდგომარეობაში მართვის გამო ვოლოსში, ოთხშაბათს დილით, უკვე მეშვიდედ დააკავეს, როდესაც საკუთარ მოპედს მართავდა.
დაკავებულს მართვის მოწმობა 2020 წლიდან ჰქონდა ჩამორთმეული.
პოლიციისათვის მიცემულ ჩვენებაში მამაკაცი ამბობს, რომ დაკავების დროს მიღებული ჰქონდა ალკოჰოლი, რადგან აღდგომა მარტო გაატარა და განიცდიდა.
შემდეგ მოპედით აფთიაქში წავიდა წამლების საყიდლად, რა დროსაც დააკავეს.
როგორც ამბობს ის სვამს როცა მოწყენილია, რადგან მგრძნობიარეა, მძიმე ფსიქოლოგიურ მდგომარეობას კი უმუშევრობას და ცოლთან განშორებას მიაწერს.
” ის კრიმინალი არ არის, ის ავადაა”- აცხადებს დაკავებულის ქალიშვილი, ხოლო მისი ადვოკატები სასამართლოს მიერ მიღებულ გადაწყვეტილებას არასათანადოდ მიიჩნევენ და თვლიან რომ მან უნდა გაიაროს სამკურნალო- სარეაბილიტაციო პროგრამა.
