ომი სუდანში: პირველი რვა ბერძენი უკვე გათავისუფლებულია
სუდანში მიმდინარე საომარი მოქმედების ეპიცენტრში ჩარჩენილი საბერძნეთის მოქალაქეების პირველმა ნაკადმა, მათ შორის ორმა დაშავებულმა,კვირას ნაშუადღევს სუდანი საფრანგეთის დახმარებით, ავიარეისით დატოვა და ჯიბუტის მიმართულებით გაემგზავრა.
გავრცელებული ინფორმაციით ჯერ კიდევ რჩება 12 ბერძენი, რომლებსაც სუდანიდან მომდევნო რეისით გაიყვანენ.
ამ დროისათვის ისინი ხარტუმში, საფრანგეთის საელჩოს შენობაში იმყოფებიან.
საგარეო საქმეთა სამინისტროს ცნობით გრძელდება ევროკავშირის პარტნიორებთან და მოკავშირეებთან პროცესი და კოორდინაცია დარჩენილი ბერძნებისა და მათი ოჯახის წევრების გასათავისუფლებლად.
ასევე, საფრანგეთის შეიარაღებული ძალების მიერ განხორციელდა 100-მდე ადამიანის ევაკუაცია იმ ქვეყნებს შორის, რომლებმაც საფრანგეთს დახმარება სთხოვეს თავიანთი მოქალაქეების ევაკუაციისთვის.
დასავლეთის ქვეყნები აძლიერებენ ძალისხმევას მათი მოქალაქეების და დიპლომატების ომით განადგურებული ხარტუმიდან გასათავისუფლებლად, რადგან ცეცხლის შეწყვეტის შეთანხმების ჩაშლის გამო ბრძოლები ისევ გრძელდება.
