Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთიკრიმინალი

იღუმენიცა: პოლიციელი რომელსაც 102 კილო კანაბისი გადაჰქონდა საპატრულო ავტომობილით – დაკავებულია სამი ადამიანი.

იღუმენიცა: პოლიციელი რომელსაც 102 კილო კანაბისი გადაჰქონდა საპატრულო ავტომობილით – დაკავებულია სამი ადამიანი.

მანქანაში ერთ ალბანელთან ერთად იმყოფებოდა – მათთან ერთად ასევე დაკავებულია კიდევ ერთი პოლიციელი – როგორ ჩატარდა ნარკოოპერაცია, რომელშიც თვითონ დაკავებულიც იღებდა მონაწილეობას?

იღუმენიცას რეგიონში სამართალდამცავმა უწყებებმა ორ პოლიციელს ხელბორკილები დაადეს.

ყველაფერი იმით დაიწყო, რომ ადგილობრივი სამართალდამცავი თანამშრომლების მიერ დაფიქსირებული მანქანა, რომელსაც მოუწოდეს რომ გაჩერებულიყო საჭირო შემოწმებისთვის, პოლიციის განკარგულებას არ დაემორჩილა და განაგრძო მაღალი სიჩქარით მოძრაობა. პოლიცია ეჭვმიტანილების მანქანას დაედევნა, მაგრამ მათი გადამოწმება მხოლოდ მას შემდეგ შეძლო, როცა ავტომობილის მძღოლმა კონტროლი დაკარგა და მიმდებარე ტერიტორიაზე გაჩერებულ სამ მანქანას შეასკდა.

მანქანის მძღოლი 41 წლის უფროსი სერჟანტი გახლდათ, რომელიც მსახურობს იღუმენიცას ნარკოტიკული დანაშაულების აღმკვეთ განყოფილებაში, ხოლო მისი თანამგზავრი, ამავე ასაკის ალბანელი იყო. მანქანის ჩხრეკის შედეგად ამოღებულია 19 შეკვრა ნედლი კანაფი რომელიც არის 102 კგ და 670 გრამი.

დაკავების დროს 41 წლის მამაკაცი საპატრულო მოვალეობას ასრულებდა 50 წლის უფროს სერჟანტთან ერთად, რომელიც იმავე უწყებაში მსახურობს. ოპერაციის დროს 50 წლის თანამშრომელი, რომელიც წესით მორიგეობას ასრულებდა, იმყოფებოდა თესპროტიის საღიადას რაიონში მდებარე კაფეში და მისი სამსახურებრივი იარაღი დატოვებული ჰქონდა მანქანაში, რომელითაც მის კოლეგას ნარკოტიკები გადაჰქონდა.

პოლიციის განცხადება:

იღუმენიცას უშიშროების საქვეუწყებო დაწესებულების ნარკოტიკული დანაშაულების აღმკვეთი განყოფილების თანამშრომლებმა ნარკოკანონმდებლობის დარღვევაში ბრალდებული ორი პოლიციელი და რიგითი უცხოელი დღეს, (15-03-2024) გამთენიისას დააკავეს.

კერძოდ, ზემოაღნიშნული სამსახურის მიერ ჩატარებული ოპერაციის ფარგლებში დაფიქსირდა პოლიციელი, რომელიც მართავდა საპატრულო ავტომობილს და მანქანაში ჰყავდა მგზავრი, რომელიც არ იყო პოლიციის თანამშრომელი. შემოწმების ჩასატარებლად გაიცა გაჩერების სიგნალი. თუმვა ავტომობილის მძღოლი პოლიციის შუქ-ხმით სიგნალებს არ დაემორჩილა, განაგრძო მოძრაობა და ცოტა ხნის შემდეგ ავტოსაგზაო შემთხვევის გამო მოუწია გაჩერება. 

საპატრულო ავტომობილის ჩხრეკის შედეგად ამოღებულია 19 შეკვრა ნედლი კანაფი, რომელიც არის 102 კილო და 670 გრამი. 

ცნობილია, რომ ავტოსაგზაო შემთხვევამ მატერიალური ზიანი მიაყენა 3 მიმდებარე ტერიტორიაზე გაჩერებულ მანქანას და საპატრულო ავტომობილს, რომელიც მათ შეასკდა.

დაკავებულები გადაყვანილები არიან დაკითხვაზე.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *