როდოსი: სკოლის დირექტორი იხსენებს სახიფათო Superman-ის გამოწვევას, რომლის შედეგადაც 13 წლის ბიჭი მძიმედ დაშავდა
როდოსი: სკოლის დირექტორი იხსენებს სახიფათო Superman-ის გამოწვევას, რომლის შედეგადაც 13 წლის ბიჭი მძიმედ დაშავდა
სკოლის დირექტორმა გაიხსენა კალითიონის გიმნაზიაში მომხდარი უბედური შემთხვევის დეტალები, რომლის შედეგადაც 13 წლის სკოლის მოსწავლე მძიმედ დაშავდა.
შეგახსნებთ, რომ არასრულწლოვნებმა ინტერნეტ პლატფორმა Tiktok-ზე გავრცელებული Superman-ის გამოწვევის შესრულება სცადეს, თუმცა თანატოლის დაჭერა ვერ შეძლეს და დაცემის შედეგად 13 წლის ბიჭმა თავის არეში მძიმე დაზიანებები მიიღო.
ტელემაუწყებელ MEGA-სთან საუბრისას სკოლის დირექტორმა განაცხადა: “აღნიშნული შემთხვევა პირველი გაკვეთილის შემდეგ, შესვენებაზე მოხდა. რამდენიმე ბავშვმა 13 წლის ბიჭი ჰაერში აისროლა. საბედნიეროდ სკოლაში იმყოფებოდა ტრენერი, რომელმაც პირველადი დახმარება გაუწია დაშავებულს. საწყის ეტაპზე ბიჭს ცხვირიდან სისხლი სდიოდა, თუმცა კომუნიკაცია თავისუფლად შეეძლო. მთხოვა, რომ არ დამესაჯა მისი მეგობრები, რომ მისი სურვილით მიიღო მონაწილეობა გამოწვევაში. სასწრაფო მაინც გამოვიძახეთ, რადგან თავის უკანა, მარჯვენა ნაწილში ორი დიდი კოპი ჰქონდა. როგორც არასრულწლოვანის დედამ მითხრა დაშავებული უკვე რეანიმაციიდან პალატაში გადაიყვანეს და მის სიცოცხლეს საფრთხე არ ემუქრება.”
შეგახსნებეთ, რომ არასრულწლოვნის რეანიმაციაში განთავსება საჭირო გახდა ეპილეფსიური შეტევების გამო, რომელიც ბიჭს საავადმყოფოში მიყვანის შემდეგ დაეწყო.
