სიცხის ტალღის ბოლო დღე საბერძნეთში – სამშაბათიდან ტემპერატურა საგრძნობლად დაიკლებს
სიცხის ტალღის ბოლო დღე საბერძნეთში – სამშაბათიდან ტემპერატურა საგრძნობლად დაიკლებს
საბერძნეთის ტერიტორიაზე უკვე მე-15-ე დღეა რაც 40-41 გრადუსზე მაღალი ტემპერატურაა მოსალოდნელი.
სიცხის ტალღა ჩრდილოეთის ქარებთან ერთად კიდევ ერთი დღე დარჩება ატმოსფეროში, ხოლო სამშაბათიდან კი ტემპერატურა საგრძნობლად დაიკლებს.
მთელი ქვეყნის ტერიტორიაზე გავრცელებული გვალვის ფეომენის მიუხედავად მაკედონიასა და თრაკიში მოსალოდნელია შტორმი.
სიცხის ტალღა, რომელიც ჯიუტად არ ტოვებს ატმოსფეროს ხანძრის გაჩენის მაღალი რისკის საშიშროებას აჩენს პელოპონისოსა და დასავლეთ საბერძნეთის ტერიტორიაზე.
უფრო კონკრეტულად კი სამოქალაქო დაცვის სამინისტროს მდივნის მიერ გამოქვეყნებული რუკის მიხედვით ორშაბათს, 22 ივლისს ხანძრის გაჩენის მაღალი რისკია შემდეგ რეგიონებში:
- არკადია, ლაკონია, მესინია
- ახაია, ილია
კლიმატის კრიზისისა და სამოქალაქო დაცვის სამინისტროს გენერალურმა მდივანმა სრული მობილიზებისკენ მოუწოდა სახანძრო-სამაშველო ბრიგადას, აღნიშნული რეგიონების მოსახლეობასა და სამართალდამცავ ორგანოებს, რათა ხანძრის გაჩენის შემთხვევაში დაუყოვნებლივ მოახდინონ რეაგირება და ცეცხლის განეიტრალება.
იმ შემთხვევაში თუ მოსახლეობა შენიშნავს ხანძარს აუცილებლად შეატყობინონ სახანძრო-სამაშველო ბრიგადას ნომერზე: 199.
