19 წლის ბიჭი საკუთარი დედისა და ძმის თვალწინ დაიღუპა
19 წლის ბიჭი საკუთარი დედისა და ძმის თვალწინ დაიღუპა
ორშაბათს ღამით მომხდარმა ტრაგიკულმა შემთხვევამ სრულიად საბერძნეთი შეძრა.
პევკოხორში მდებარე ლუნა პარკში გაუმართავმა ატრაქციონმა 19 წლის ბიჭის სიცოცხლე იმსხვერპლა.
გავრცელებული ინფორმაციის თანახმად ბიჭი თავის ძმასთან ერთად იჯდა საბედნიერო ატრაქციონზე. უეცრად სავარძელი, რომელზეც 19 წლის ბიჭი იჯდა გატყდა, ადგილიდან მოწყდა და დაცემისას ბიჭმა სხეულის სერიოზული დაზიანებები მიიღო.
ამ საზარელ შემთხვევას დაღუპულის ორივე ძმა შეესწრო: “ატრაქციონზე ერთად დავსხედით. სანამ დავიძვრებოდით ზედამხედველმა ადგილები შეგვიცვალა და გვითხრა: “ბოლომდე და ძლიერად აგტყორცნით ჰაერში”.. თავიდან მშვიდად დაიწყო ატრაქციონმა სვლა, შემდეგ ძალიან აჩქარდა. ერთსა და იმავე სავარძელზე ვისხედით მე და ჩემი ძმა და უცბათ ვხედავ რომ სავარძელი ადგილს წყდება.. ვუყურებ ჩემს ძმას და ვეუბნები: “იანნი, სავარძელი წყდება..”, თვალებში შემომხედა თუმცა ვერაფრის თქმა ვერ მოასწრო ისე უეცრად მოწყდა სავარძელი და გაუჩინარდა. მაღალი სიჩქარის გამო ჰაერში ავარდა. ქვემოდან დედაჩემის და ჩვენი ძმის ყვირილი მესმოდა. ნახეს თუ როგორ დაიღუპა ჩემი ძმა.. ზედამხედველი ადგილიდან მიიმალა, მე კი რკინას ვეჭიდებოდი რომ თავი გადამერჩინა. მეც მოვკვდებოდი ალბათ რომ არ მეპოვა ძალა და რომ არ მოვჭიდებოდი მყარად რკინას. ისეთი შეგრძნება მაქვს, რომ კოშმარს ვხედავ.. ვერ ვიჯერებ რაც მოხდა..” – განაცხადა გარდაცვლილის ძმამ protothema.gr – თან საუბრისას.
შეგახსენებთ, რომ ლუნა პარკის მფლობელი დაკავებულია, ხოლო პოლიცია კონკრეტული ატრაქციონის ზედამხედველს ამ დრომდე ეძებს.
