Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთი

თაღლითობის ახალი სქემა- მობილური ტელეფონით მარტივმა ოპერაციამ შესაძლოა ჩვენი საბანკო ანგარიშები დააცარიელოს

ამჯერად შესაბამისი უწყებები  კიდევ ერთხელ აფრთხილებენ მოქალაქეებს, რომ გამოიჩინონ  სიფრთხილე, რათა თავიდან აირიდონ უსიამოვნო სიურპრიზები.

კერძოდ, საბერძნეთის პოლიცია  თაღლითობის ახალი,  უფრო “დახვეწილი” სქემის  გავრცელების შესახებ იტყობინება.

სქემა ავტომანქანების  საქარე მინებზე  დატოვებულ სტანდარტულ, საგზაო დახმარების გამოძახების  ბარათებს ეხება.

მიუხედავად იმისა, რომ ბარათი ნამდვილს გავს, სინამდვილეში შეიძლება საქმე გვქონდეს გაყალბებასთან.

მსგავსი ბარათები ესპანეთშიც გამოჩნდა და ხელისუფლება მოუწოდებს მძღოლებს, გამოიჩინონ სიფრთხილე და თავი შეიკავონ ბარათზე დატანილი  QR კოდის სკანირებისგან.

თაღლითური სქემა მუშაობს შემდეგნაირად: საეჭვო ასლი აჩვენებს QR კოდს, რომელიც მიბმულია საკრებულოს გადახდის ვებსაიტზე.

თაღლითები იყენებენ QR კოდს,  როგორც საშუალებას  მოქალაქეების საბანკო ანგარიშებზე წვდომის მისაღებად.

როდესაც  მოქალაქე სკანირებს QR კოდს, მათ ტელეფონზე ავტომატურად ინსტალირდება ვირუსული აპლიკაცია, რომელიც თაღლითებს აძლევს წვდომას მობილური ბანკის აპლიკაციაზეც.

აპლიკაცია ითხოვს სხვადასხვა ნებართვას, როგორიცაა ტელეფონის მიკროფონსა და კამერაზე წვდომა,  ასევე Android Accessibility სერვისზე  ნებართვას და შესვლის სერთიფიკატებს.

თაღლითებს შეუძლიათ აკონტროლონ მსხვერპლის მობილური ბანკის აპლიკაცია და მოიპარონ მათი დანაზოგი.

კიბერ უსაფრთხოების  სპეციალისტების რეკომენდაციით  QR კოდის გამოყენებისას უნდა ვიყოთ განსაკუთრებით ფრთხილად  და  ყურადღება მივაქციოთ თუ როგორ ვახდენთ  სკანირებას.

ასევე უნდა ვიფრთხილოთ  იმ მაღაზიებში, რომლებიც იყენებენ QR-ს, რადგან შესაძლებელია რომ ვიღაცას ზემოდან დადებული ჰქონდეს ყალბი QR კოდის სტიკერი და  სინამდვილეში ის მაღაზიას არ ეკუთვნოდეს.

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *