საბერძნეთის საზღვარს უკანონოდ ყოველდღიურად ასობით ადამიანი კვეთს
საბერძნეთის საზღვარს უკანონოდ ყოველდღიურად ასობით ადამიანი კვეთს
დღე არ ჩაივლის ისე, რომ ევროპის კარიბჭედ წოდებული საბერძნეთის საზღვარზე სანაპირო დაცვამ ქვეყანაში უკანონოდ შემოსული პირები არ დააფიქსიროს. ყოველდღიურად ფიქსირდება ათობით უცხო ქვეყნის მოქალაქე, ხოლო იმ ადამიანების რაოდენობა რომლებიც სანაპირო დაცვას დაუსხლტნენ ხელიდან პასუხისმგებელი ორგანოებისთვის უცნობია.
დღევანდელი დილაც არ ყოფილა გამონაკლისი და კუნძული კრეტას სანაპირო დაცვამ ცუტურას სამხრეთით დააფიქსირა გემი, რომლითაც საზღვარი 30-მა პირმა გადმოკვეთა.
სანაპირო დაცვის თანამშრომლებმა ქვეყანაში უკანონოდ შემოსული პირები სანაპიროზე მშვიდობით გადმოიყვანეს. ისინი ბანგლადეშისა და ეგვიპტის მოქალაქეები არიან და მათშორის რამდენიმე არასრულწლოვანიც არის.
დაიწყო გამოძიება იმ პირის ვინაობის დასადგენად, ვინც აღნიშნულ პირებს საზღვრის გადმოკვეთაში დაეხმარა.
