მარკოპულო: პროფესიულ უმაღლეს სკოლაში მოსწავლემ მასწავლებელს ცეცხლსასროლი იარაღიდან ესროლა

არეულობა მოხდა გუშინ პარასკევს მარკოპულოს  პროფესიულ უმაღლეს სკოლაში, სადაც დააკავეს 17 წლის მოსწავლე, რომელმაც  ყოველგვარი წინაპირობის გარეშე პნევმატური  იარაღიდან ესროლა თავის მასწავლებელს.

როგორც პრესა იტყობინება, ყველაფერი პარასკევს დილის 8:45 საათზე დაიწყო მარკოპულო ოროპოს პროფესიულ სასწავლებელში, სადაც სკოლის ეზოში პირველი შესვენების დროს 17 წლის მოზარდმა   პისტოლეტიდან  36 წლის მასწავლებლის მიმართულებით ისროლა, რის შედეგადაც  პლასტმასის ტყვიამ    მასწავლებელს მარცხენა ფეხი მსუბუქად  დაუზიანა.

საუბარი იყო მოსწავლის  საშუალო სკოლიდან  გარიცხვის თაობაზე, თუმცა მასწავლებლების ერთსულოვანი გადაწყვეტილებით ის სკოლაში დატოვეს, ხოლო  დაშავებულმა   პოლიციის განყოფილებაში,  გააკეთა განცხადება მომხდარის შესახებ.

მოსწავლეს სკოლის დირექციამ პნევმატური პისტოლეტი ჩამოართვა და  პოლიციის განყოფილებას გადასცა, რაც შეეხება დაშავებულ მასწავლებელს, მან არ ისურვა სამედიცინო ექსპერტიზის  გავლა.

17 წლის მოსწავლე მის  წინააღმდეგ აღძრული საქმით დღეს ათენის არასრულწლოვანთა პროკურატურაში გადაიყვანეს .

აღნიშნულია, რომ მისი მშობლები არასრულწლოვანის  ზედამხედველობის უგულებელყოფის ბრალდებით დააკავეს, რომლებიც  შემდეგ სისხლის სამართლის პროკურატურის ზეპირი ბრძანებით გაათავისუფლეს.