ახაია: დამწვარია სახლები და კომერციული ფართები

ახაია: დამწვარია სახლები და კომერციული ფართები

ახაიაში გაჩენილი ხანძრის შედეგად განადგურდა როგორც საცხოვრებელი, ასევე კომერციული ფართები. 

ცეცხლი ერიმანთოში, ფლოღერეიკადან დაიწყო და მალევე დიდ ტერიტორიას მოედო ძლიერი ქარების გამო. მეტეოროლოგები აცხადებენ, რომ 12 აგვისტოს მთელი დღის განმავლობაში 9 ბოფორი სიმძლავრის ქარი ქროდა.

ახაიაში ხანძრის ორი ძირითადი კერა ისომა და პლატანი იყო. 

ისომადან ხანძარმა ალისოსკენ გადაინაცვლა, სადაც 20 წყალმფრქვევი და ვერტმფრენი მუშაობდა. 

პლატანიში კი დასახლებული ტერიტორია გვიან ღამემდე იწვოდა.

უკვე ევაკუირებულია 26 დასახლება. საავადმყოფოში გადაყვანილია 3 ადამიანი სხეულის მძიმე დამწვრობებით. 

ხანძრის გამო გადაკეტილია პატრა-პირღოსის გზა ოვრიასა და კატო ახაიას მონაკვეთი.

ხანძრის კერების ჩასაქრობად მუშაობს 78 მეხანძრე, 27 სახანძრო მანქანით.

სახმელეთო ძალებს ეხმარება საჰაერო ძალებიც.