აეროპორტში დაშვებული შეცდომის გამო გარდაცვლილი ირლანდიელი მოქალაქის ცხედარი კვლავ საბერძნეთში დააბრუნეს

გასულ თვეში, საბერძნეთში ყოფნისას გარდაიცვალა ირლანდიის მოქალაქე, რომლის ნეშტიც ირლანდიაში გადასვენების შემდეგ შემთხვევით კვლავ საბერძნეთში დააბრუნეს, მას შემდეგ, რაც აეროპორტის პერსონალს  დაავიწყდა მიცვალებულის კუბოს გადმოტვირთვა თვითმფრინავიდან, იტყობინება ირლანდიური მედია.

მას შემდეგ, რაც ირლანდიის მოქალაქე  გარდაიცვალა,  მისი ნეშტი  გადაასვენეს  თვითმფრინავით საბერძნეთიდან დუბლინში 22 მაისს.

თუმცა, შეცდომის გამო კუბოს თვითმფრინავიდან გადმოტვირთვა დაავიწყდათ.

გარდაცვლილის  ოჯახი ელოდა საყვარელი ადამიანის ნეშთის მიღებას  ბოლო განსასვენებელში გადასაყვანად, თუმცა აეროპორტის ოფიციალურმა პირებმა კუბო ვერსად იპოვეს,რადგან  დაშვებული შეცდომის გამო  თვითმფრიმავში დატოვებული ცხედარი კვლავ საბერძნეთში დააბრუნდა.

ამ შემთხვევამ გარდაცვლილის ოჯახის აღშფოთება და წუხილი გამოიწვია, რომლებსაც სხვა გზა არ ჰქონდათ, გარდა სახლში დაბრუნების და დაკრძალვის ცერემონიის გადადებისა.

Swissport-მა, კომპანიამ, რომელიც პასუხისმგებელია დუბლინის აეროპორტის სახმელეთო სერვისებზე, მოახდინა მიცვალებულის ნეშტის რეპატრიაციის რეორგანიზაცია სხვა ავიაკომპანიის მეშვეობით და  ნეშტი დააბრუნეს ირლანდიაში მეორე დღეს. ირლანდიური მედიის ცნობით, კომპანიამ გარდაცვლილის ოჯახს ოფიციალური ბოდიში მოუხადა და როგორც კომპანიის სპიკერმა განაცხადა,  აღნიშნულ შეცდომაზე შიდა გამოძიება დაიწყო.

ირლანდიური მედიის ცნობით, დუბლინის აეროპორტის ადმინისტრაცია უარის აცხადებს  მომხდარის შესახებ კომენტარის გაკეთებაზე.