საბერძნეთის პარლამენტის შენობა ქალთა მიმართ ძალადობის აღმოფხვრის დღესთან დაკავშირებით განათდა
საბერძნეთის პარლამენტის შენობა ქალთა მიმართ ძალადობის აღმოფხვრის დღესთან დაკავშირებით განათდა
საბერძნეთის პარლამენტის შენობა დღეს საღამოს გაეროს კამპანიის, „ნარინჯისფერი სამყაროს“ ფერებში „შეიმოსა“, ქალთა მიმართ ძალადობის აღმოფხვრის საერთაშორისო დღესთან დაკავშირებით. „ძალადობის ყველა ფორმის დაგმობისა და ყველა მსხვერპლი ქალის მიმართ თანასწორობის, პატივისცემისა და სოლიდარობისადმი ერთგულების ხმამაღალი გზავნილის გასაგზავნად“.
შეგახსენებთ, რომ 25 ნოემბერი დაწესებულია ქალთა მიმართ ძალადობის წინააღმდეგ ბრძოლის საერთაშორისო დღედ.
ამ დღის შემოღების მიზანია ცნობადობის ამაღლება იმ ფაქტის მიმართ, რომ ქალები მთელ მსოფლიოში ხდებიან გაუპატიურების, ოჯახში ძალადობისა და სხვა სახის ძალადობის მსხვერპლი. გარდა ამისა, ამ დღის ერთ-ერთი მიზანია მოცემული საკითხის მასშტაბისა და სინამდვილის წარმოჩენა, რაც ხშირად დამალული რჩება.
ისტორიულად, ეს თარიღი ეფუძნება 1960 წელს დომინიკელთა რესპუბლიკაში სამი პოლიტიკური აქტივისტის, დები მირაბალების მკვლელობას. მკვლელობა დომინიკელმა დიქტატორმა, რაფაელ ტრუხილიომ შეუკვეთა. 1981 წელს, ლათინური ამერიკისა და კარიბის ზღვის აუზის ფემინისტურმა ორგანიზაციებმა 25 ნოემბერს ქალთა მიმართ ძალადობის შესახებ ცნობადობის ამაღლების დღედ დააწესეს; 1999 წლის 17 დეკემბერს, ეს თარიღი გაერომ აღიარა სპეციალური რეზოლუციით.
