სანტორინი: 25 წლის ქალი არასრულწლოვან შვილს მათხოვრობას აიძულებდა
პოლიციამ დააკავა 25 წლის უცხოელი ქალი, რომელიც თავის არასრულწლოვან შვილს კუნძულ სანტორინზე მათხოვრობას აიძულებდა.
ბავშვი ხალხმრავალ ქუჩაზე, მოძრავ მანქანებს შორის მიმოდიოდა, მოწყალებას ითხოვდა და ქმნიდა ავარიის საფრთხეს.
ბავშვი პოლიციის ოფიცრებმა შენიშნეს და განყოფილებაში გადაიყვანეს.
დამნაშავე დედა ორშაბათს ღამით დააკავეს, როდესაც გაირკვა, რომ იგი შვილს ექსპლუატაციას უწევდა, იწვევდა რა მისი საშუალებით ტურისტების თანაგრძნობას, რათა მისთვის თანხა მიეცათ.
დაკითხვისას მან ყალბი პირადობის მოწმობა წარადგინა.
25 წლის ქალს საკუთრებაში აღმოჩენილი თანხა ჩამოერთვა და მის წინააღმდეგ აღიძრა საქმე ადამიანებით ვაჭრობის, არასრულწლოვანთა საფრთხის ქვეშ დაყენების და ცრუ ჩვენების მიცემის ბრალდებით, რითიც იგი ნაქსოს საოლქო პროკურატურაში გადაიყვანეს .
პარალელურად სამშაბათს, შუადღისას პირგოსში დააკავეს ბერძენი ქალი, რომელიც ასევე ფინანსური სარგებლის მიღების მიზნით საფრთხეს უქმნიდა 13, 9 და 8 წლის სამი არასრულწლოვანი ბავშვის სიცოცხლეს, რომლებიც პოლიციამ ქუჩაზე მოძრავ მანქანებს შორის გადაადგილებისას დააფიქსირა.
“მოსიყვარულე” დედა პირგოს პროკურატურაში გადაიყვანეს, სადაც ასევე მათხოვრობისა და არასრულწლოვანთა სიცოცხლის საფრთხის წინაშე დაყენების ბრალდება წაუყენეს.
