სასამართლომ ტემბის რკინიგზის ტრაგედიის შედეგად დაღუპულთა ნათესავებს 420 000 ევროს ოდენობის კომპენსაციის მოთხოვნა დაუკმაყოფილა
სასამართლომ ტემბის რკინიგზის ტრაგედიის შედეგად დაღუპულთა ნათესავებს 420 000 ევროს ოდენობის კომპენსაციის მოთხოვნა დაუკმაყოფილა
ათენის პირველი ინსტანციის ადმინისტრაციულმა სასამართლომ გამოაცხადა 25-ე სამწევრიანი დეპარტამენტის გადაწყვეტილება, რომლის თანახმადაც 2023 წლის 28 თებერვალს ტემბში მატარებლების შეჯახების შედეგად დაღუპული მსხვერპლების ნათესავებს განცდილი ფსიქიკური ტკივილისთვის 420 000 ევროს ოდენობის კომპენსაციის მოთხოვნა დაუდასტურდა, აღნიშნულ თანხასთან ერთად დაითვლება პროცენტებიც, რომლებიც ამ წლების განმავლობაში დაემატა კომპენსაციას.
ადმინისტრაციულმა სასამართლომ საბერძნეთის სახელმწიფოს დააკისრა სამოქალაქო პასუხისმგებლობა რკინიგზის სადგურზე ზედამხედველობის არასათანადო გაწევისთვის და სწორედ ამიტომ დააკისრა სახელმწიფოს კომპენსაციის გადახდა პროცენტებით იმ დღიდან, როცა სასამართლოში სარჩელი შევიდა.
სასამართლომ გადაწყვიტა, რომ ინფრასტრუქტურისა და ტრანსპორტის სამინისტრომ არ გამოიყენა მისი ზედამხედველობის უფლებამოსილება რკინიგზის უსაფრთხოების დაცვის საკითხებში და სწორედ ასე შეიტანა წვლილი სარკინიგზო ავარიაში.
