პოლიციამ დაკითხვაზე გადაიყვანა 24 წლის გოგონას პარტნიორი, რომელიც მე-7 სართულიდან ვარდნის შედეგად გარდაიცვალა
პოლიციამ დაკითხვაზე გადაიყვანა 24 წლის გოგონას პარტნიორი, რომელიც მე-7 სართულიდან ვარდნის შედეგად გარდაიცვალა
ამ დრომდე უცნობია როგორც სამართალდამცავი ორგანოებისთვის ასევე პრესისთვისაც უბედურ შემთხვევასთან გვაქვს საქმე თუ თვითმკვლელობასთან, როცა 24 წლის გოგონას გარდაცვალების საქმეზე ვსაუბრობთ, რომელიც პირეაზე, კერძოდ კალიპოლში მდებარე საცხოვრებელი კორპუსის მე-7 სართულიდან გადავარდა.
გარდაცვლილი მის 50 წლის პარტნიორთან ერთად ცხოვრობდა სახლში, რომლის აივნიდანაც გადავარდა.
პოლიცია გარდაცვლილის პარტნიორმა გამოიძახა.
დაკითხვაზე კაცმა განაცხადა, რომ დილით როცა გაიღვიძეს გოგონამ უთხრა რომ თავს კარგად ვერ გრძნობდა. იქვე დასძინა, რომ როდესაც გოგონა აივნიდან გადავარდა თავად სააბაზანოში იმყოფებოდა.
გავრცელებული ინფორმაციის თანახმად გოგონა ვარდნის შედეგად ადგილზევე დაიღუპა. მისი გარდაცვალება ოფიციალურად ძანიოს საავადმყოფოში დადასტურდა.
გარდაცვლილის პარტნიორი დაკითხა და დაათვალიერა სასამართლო ექსპერტმაც, რათა დადგენილიყო უძღვოდა თუ არა წინ გოგონას ვარდნას ჩხუბი, აღენიშნებოდა თუ არა კაცს რაიმე სახის ნაკაწრი სხეულზე. ექსპერტიზამ ყველა ეჭვი გამორიცხა ისევე როგორც მეზობლების მიერ მიცემულმა ჩვენებებმა, რომლებიც აცხადებენ, რომ მათ წყვილის ჩხუბი არასდროს გაუგიათ.
