სატრანსპორტო სამინისტრო უბილეთოდ მგზავრობის ფენომენს არამხოლოდ გაზრდილი ჯარიმებით, არამედ ხელოვნური ინტელექტითაც ებრძვის

სატრანსპორტო სამინისტრო უბილეთოდ მგზავრობის ფენომენს არამხოლოდ გაზრდილი ჯარიმებით, არამედ ხელოვნური ინტელექტითაც ებრძვის

საბერძნეთი ტექნოლოგიის გამოყენებით იმ ქრონიკული პრობლემის აღმოფხვრას შეეცდება, რომელიც ათწლეულების განმავლობაში მილიონობით ევროს დანაკარგს აძლევდა საზოგადოებრივი ტრანსპორტის ქსელს.

ათენელების უკვდავისჩვევას: იმგზავრონ უბილეთოდ, გადაახტნენ მეტროში შესასვლელ დამცავ ჯებირებს და ავიდნენ ავტობუსებში ბილეთების დაფიქსირების გარეშე, ხელოვნური ინტელექტი დაუსვამს წერტილს.

აღნიშნული ინიციატივა ინფრასტრუქტურისა და ტრანსპორტის სამინისტროს მიერ ორგანიზებულ ღონისძიებაზე წარადგინეს, რომელსაც კირიაკოს მიცოტაკისიც ესწრებოდა. პრეზენტაციის მთავარი გმირი სატრანსპორტო სამინისტროს მინისტრის მოადგილე, კონსტანტინოს კირანაკისი იყო.

უბილეთოდ მგზავრობის აღოსაფხვრელი ახალი ინსტრუმენტი უკვე დამონტაჟებულია მეტროების შესასვლელებსა და გასასვლელებში. ხელოვნური ინტელექტის კამერები რეალორ დროში აღიქვამს უბილეთოდ გასულ მგზავრს და გადასცემს ინფორმაციას პასუხისმგებელ ორგანოებს, რათა ჩაატარონ შემოწმებები იმ სადგურებზე, სადაც ყველაზე მეტი შემთხვევა ფიქსირდება.

უბილეთოდ გასვლის ფემომენს, როდესაც ერთი მგზავრი მეორეს უკან მიჰყვება სანამ დამცავი ჯებირი დაიკეტება “tailgating”-ის სახელით არის ცნობილი.