ასპროპირღოსში მომხდარი აფეთქების შედეგად დაშავებული 3 ადამიანის ჯანმრთელობის მდგომარეობა ამ დრომდე კრიტიკული რჩება
ასპროპირღოსში მომხდარი აფეთქების შედეგად დაშავებული 3 ადამიანის ჯანმრთელობის მდგომარეობა ამ დრომდე კრიტიკული რჩება
განსაკუთრებით კრიტიკულია 3 ადამიანის ჯანმრთელობის მდგომარეობა, რომლებმაც სხეულის მძიმე დამწვრობები 9 ივლისს ასპროპირღოსში მდებარე სათადარიგო ნაწილების სახელოსნოში გაჩენილი ხანძრის შედეგად მიიღეს.
პაციენტებს აღენიშნებათ სხეულის მრავალგზის დამწვრობები: 41 წლის კაცს სხეულის 75% აქვს დამწვარი. მას უკვე ჩაუტარდა ქირურგიული ოპერაცია და ამ დრომდე პლასტიკური ქირურგისა და დამწვრობებში სპეციალიზებული ექიმების ზედამხედველობის ქვეშ რჩება. 54 წლის პაციენტს სხეულის 90% აქვს დამწვარი და ავლენს ჰიპოთერმიის ნიშნებს. ექიმები აცხადებენ, რომ მისთვის მომდევნო 24 საათი გადამწყვეტია. ხოლო მესამე, ყველაზე ახალგაზრდა 28 წლის პავიენტს ასევე მთელ სხეულზე აღენიშნება დამწვრობები და ამჟამად ის ღ.ღენიმატას საავადმყოფოში, თრიასოშია განთავსებული.
პოლიციამ დააკავა სახელოსნოს მეპატრონე და ცისტერნის მძღოლი, რომლის აფეთქების შედეგადაც ხანძარი გაჩნდა სახელოსნოში. დაკავებულებს პროკურატურამ ბრალი უკვე წაუყენა აფეთქებისა და ხანძრის გამოწვევის მუხლით, რომელმაც ადამიანების სიცოცხლეს საფრთხე შეუქმნა. ასევე, მათ ბრალად ედებათ გაუფრთხილებლობით ჯანმრთელობის მძიმე დაზიანების მიყენება და უსაფრთხოების სავალდებულო წესებისა და ზომების უგულებელყოფა.
