მსოფლიოში ყველაზე ერთგული ძაღლის, ჰაჩიკოს დაბადებიდან 100 წელი გავიდა
100 წელი გავიდა მსოფლიოში ყველაზე ცნობილი ძაღლის, ჰაჩიკოს დაბადებიდან, რომლის პატრონის მიმართ თავდადების მაგალითიც აბსოლუტური ერთგულების, მეგობრობისა და სიყვარულისა სიმბოლოდ იქცა.
მისი უნიკალური ისტორია აღიბეჭდა წიგნების ფურცლებზე, 2009 წელს მასზე გადაიღეს ფილმიც, სახელწოდებით “ჰაჩიკო”.
ის დაიბადა 1923 წლის 10 ნოემბერს იაპონიის ქალაქ ოდატეში. ის იყო ძაღლი, რომელიც სიცოცხლის ბოლომდე ელოდა თავის პატრონს, რომელიც გარდაიცვალა ცერებრალური სისხლდენის შედეგად, იაპონიის მატარებლის სადგურზე.
იმ ადგილას, სადაც ერთგული ძაღლი პატრონის მოლოდინში მუდამ ფეხმოუცვლელად იჯდა, ტოკიოში, შიბუიას სადგურის მიღმა, შეიქმნა ბრინჯაოს ქანდაკება, რომელსაც ყოველდღიურად ასობით დამთვალიერებელი სტუმრობს და იღებს ფოტოებს.
ამავე ადგილას, სადგურის ხეივანში 1935 წლის 8 მარტს ჰაჩიკო გამვლელებმა უკვე მკვდარი იპოვეს.
მის ისტორიას იაპონიის ყველა სკოლაში ასწავლიან, როგორც მეგობრობის, უდიდესი ერთგულების და სიყვარულის მაგალითს.
წელს, მისი დაბადებიდან 100 წლის იუბილესთან დაკავშირებით იაპონიაში მთელი რიგი ღონისძიებები გაიმართება
“ჰაჩიკო წარმოადგენს იდეალური იაპონელი მოქალაქის სახეს თავისი უპირობ ერთგულებით” – ამბობს ქრისტინე იანო, ჰავაის უნივერსიტეტის პროფესორი
BBC-ის კითხვაზე, განაგრძობს თუ არა ის მომდევნო 100 წლის განმავლობაში მსოფლიოს ყველაზე ერთგული მეგობრის ტიტულის ტარებას, ქრისტინე იანო დადებითად პასუხობს, რადგან „ჰაჩიკოს გმირობა“ მარადიულია.
“მომდევნო ასი წლის განმავლობაშიც კი ეს უპირობოდ თავდადებული სიყვარული უცვლელი დარჩება და ჰაჩიკოს ისტორია სამუდამოდ იცოცხლებს”
ზოგადად აკიტას ჯიშის ძაღლები მშვიდი, გონიერი, მამაცი და მორჩილი არიან თავიანთი პატრონების მიმართ, მაგრამ მეორეს მხრივ არიან ჯიუტებიც და უფრთხიან უცხოებს.
