კუნძულ იოზე ირლანდიის მოქალაქე ორი ახალგაზრდა ტრაგიკულად გარდაიცვალა

კუნძულ იოზე გუშინ ტრაგიკულად გარდაიცვალა ირლანდიის მოქალაქე ორი ახალგაზრდა, რომლებიც კუნძულზე სწავლის დამთავრების აღსანიშნავად ჩავიდნენ. გარდაცვალების დამადასტურებელ განცხადებას ირლანდიის საგარეო საქმეთა სამინისტრო ავრცელებს.

ორივე გარდაცვლილი ახალგაზრდა კუნძულზე დუბლინის ერთ-ერთი სკოლის 70 მოსწავლისგან შემდგარ ჯგუფთან ერთად ჩავიდა.

შაბათს(1/7) შუადღიდან დაიწყეს დიდი რაოდენობით ალკოჰოლის მიღება და გართობა დილამდე. შემდეგ ერთ-ერთს, მაქს უოლს, სურდა ფეხით დაბრუნება თავის საცხოვრებელში, რადგან მანძილი მცირე იყო, თუმცა მისი კვალი დაიკარგა და როცა მეგობრები ოთახში დაბრუნდნენ და ვერ იპოვეს, პოლიცია გამოიძახეს.

სამწუხაროდ, ახალგაზრდა მამაკაცი კვირას, დილის 11 საათზე გარდაცვლილი იპოვეს კლდეზე, გერმანოლის რაიონში. აქამდე არსებული მტკიცებულებების მიხედვით, ყველაზე სავარაუდო სცენარია ის, რომ ფეხი დაუცურდა, სიმაღლიდან გადავარდა და თავი დაარტყა.

თუმცა, ირლანდიელების ჯგუფისთვის ტრაგედია ამით არ დასრულებულა, ჯგუფის კიდევ ერთმა წევრმა, ენდრიუ ოდონელმა, როდესაც შეიტყო თანაკლასელის გარდაცვალება მიღებულ შოკს ვერ გაუძლო, მას ჰქონდა გულთან დაკავშირებული ჯანმრთელობის ქრონიკული პრობლემა რამაც საბოლოოდ მისი გარდაცვალება გამოიწვია.

ირლანდიის საგარეო საქმეთა სამინისტრო საქმის კურსშია და უწევს შესაბამის დახმარებას გარდაცვლილთა ოჯახებს, თუმცა ცალკეულ შემთხვევათა დეტალებზე კომენტარს ამ დროისთვის არ აკეთებს.