საბერძნეთის რომელ რეგიონებში დაიკეტება სკოლები 3 ნოემბერს უამინდობის გამო
საბერძნეთის რომელ რეგიონებში დაიკეტება სკოლები 3 ნოემბერს უამინდობის გამო
საბერძნეთში ძლიერი შტორმი „აგნეტა“ (Agneta) კვლავ გრძელდება, რაც 3 ნოემბერს ქვეყნის სხვადასხვა რეგიონში ძლიერ წვიმას, ჭექა-ქუხილსა და სეტყვას გამოიწვევს. მოსალოდნელი საფრთხის გამო ადგილობრივი ხელისუფლება მოსწავლეებისა და მასწავლებლების უსაფრთხოების მიზნით სკოლების მუშაობას დროებით აჩერებს.
2026 წლის 3 ნოემბერს სკოლები დახურული იქნება შემდეგ რეგიონებში:
- როდოსი: კუნძულის მასშტაბით ყველა საბავშვო ბაღი, ბაგა-ბაღი, დაწყებითი და საშუალო სკოლა, ასევე სპეციალური საგანმანათლებლო დაწესებულებები.
- კორფუ: ცენტრალური და სამხრეთ კორფუს ყველა სკოლის მუშაობა შეჩერებულია. ცენტრალურ კორფუში ბაგა-ბაღები ჩვეულ რეჟიმში იმუშავებს. ჩრდილოეთ კორფუში სკოლები ამ დროისთვის ღია რჩება.
- ლიმნოსი: ყველა საფეხურის სკოლა, სპეციალური სკოლები და მუნიციპალური საბავშვო ბაღები.
- თასოს: ყველა საგანმანათლებლო დაწესებულება, მათ შორის საბავშვო ბაღები.
- სამოთრაკი: კუნძულის ყველა სკოლა.
ძლიერი და საშიში მეტეოროლოგიური მოვლენების გამო განსაკუთრებული სიფრთხილეა საჭირო შემდეგ ტერიტორიებზე:
- კორფუ, პაქსოსი და იპიროსი;
- ცენტრალური და აღმოსავლეთ მაკედონია;
- თრაკი;
- თასოსი და სამოთრაკი;
- ჩრდილო-აღმოსავლეთ ეგეოსის კუნძულები: ლიმნოსი, აი-სტრატისი და ლეზვოსი.
დანარჩენ რეგიონებშიც მოსალოდნელია წვიმა და შტორმი, ზოგან კი განსაკუთრებით ძლიერი.
შეგახსენებთ, რომ წითელი განგაშის გამოცხადება ავტომატურად არ ნიშნავს, რომ შესაბამის რეგიონში ყველა სკოლა დაიხურება. სასწავლო პროცესის შეჩერების გადაწყვეტილებას თითოეული მუნიციპალიტეტი დამოუკიდებლად იღებს. მშობლებსა და მოსწავლეებს მოუწოდებენ, თვალი ადევნონ მუნიციპალიტეტებისა და განათლების სამსახურების ოფიციალურ განცხადებებს, რადგან ამინდის გაუარესების შემთხვევაში შესაძლოა ახალი გადაწყვეტილებებიც გამოცხადდეს.
