Latest news
Ελληνικό Μετρό: კიფსელის მაცხოვრებლების სახლებიდან გამოყვანის საჭიროება არ არსებობს ბავშვთა დახმარება A21: 27 ნოემბრიდან ისევ იხსნება ელ.პლატფორმა განცხადებების მისაღებად გიორგოს მაზონაკისის გარდაცვალების მიზეზად პროპოფოლი დასახელდა მასშტაბური ღონისძიებები პოლიტექნიკურ უნივერსიტეტში ხუთი ევროპული ქვეყანა რუანდაში მიგრანტთა დაბრუნების ცენტრის შექმნას გეგმავს 17 ნოემბრის მნიშვნელობა სრულიად საბერძნეთისთვის 17 ნოემბერს შუადღის 2 საათიდან დაიკეტება მეტროსადგური: სინდაგმა, პანეპისტიმიო და მეღარო მუსიკის ისტორიული ვიდეო პოლიტექნიკური უნივერსიტეტის აჯანყების პირველი წლისთავიდან იცით თუ არა რომ მოძრაობის წესების დარღვევისას ქვეითებიც ჯარიმდებიან ირაკლიო: რატომ ჰქონდა 18 წლის ბავშვს საწვავით სავსე ბოთლთან წვდომა
სამშაბათი, ნოემბერი 17, 2026
საბერძნეთი

ხანძარი:ახალი კერები ატიკაში – ბრძოლა პარნითაში ცეცხლის გავრცელების თავიდან ასაცილებლად

უკვე მესამე დღეა საბერძნეთის ცეცხლოვან კერებთან ბრძოლა მიმდინარეობს. ხანძარი გრძელდება დასავლეთ ატიკსა და ლუტრაკში, ხანძარი მძვინვარებს ასევე როდოსში.

დილის 11:30 საათამდე “112”-დან კანდილსა და კატადრომონის გამზირზე მეგარაში ევაკუაციისთვის შეტყობინება გაიგზავნა. სქელმა კვამლმა მოიცვა პერამოც.

სერიოზულად დაზარალდა პლატონის, ანო ლუტროპირგოსა და ნეა პერამუ მეგარონის  დასახლებები (ნაციონალური გზატკეცილის ზემოთ). პროვინციული გზა, რომელიც აკავშირებს ნ. პერამოს მანდრასთან, დაკეტილი რჩება.  ადგილზე მუშაობენ სახანძრო ძალები, მათ შორის მოხალისეები და ადგილობრივი მოსახლეობა.

ჩრდილო-დასავლეთით სურათი უფრო რთულია, განსაკუთრებით აგია სოტირაში, სტეფანსა და ინოიში, სადაც გამწვავებები უწყვეტია. თუმცა ცეცხლი დასახლებულ პუნქტებამდე.არ მისულა. პარალელურად, მეხანძრეები იბრძვიან, რომ ცეცხლი არ გავრცელდეს პარნითაში.

ატიკაში ამ დროისთვის 250 მეხანძრე-მაშველი 8 ჯგუფით, საფეხმავლო ჯგუფთან და 75 მანქანასთან ერთად მუშაობს, ხოლო შემთხვევის ადგილზე 34 რუმინელი მეხანძრე 6 მანქანით არის მობილიზებული. ჰაერიდან 9 თვითმფრინავი და 11 შვეულმფრენი, რომელთაგან ორი კოორდინატორია, წყლის უწყვეტ ვარდნას ახორციელებს.

პოლიციის შტაბმა გაავრცელა განცხადება, სადაც ხაზგასმით აღნიშნა, რომ ხანძრის წინააღმდეგ ბრძოლის ფართო ოპერაციული დაგეგმვის კონტექსტში, მოქალაქეების ფიზიკური მთლიანობის უზრუნველსაყოფად, გამოიყენება გადაადგილების აკრძალვა, გარდა  გადაუდებელი აუცილებლობისა. ნებადართულია სახანძრო ბრიგადების და სასწრაფო დახმარების მანქანების შეუფერხებელი მოძრაობა.

პოლიცია მოქალაქეებს მოუწოდებს არსებული ხანძრის მაღალი რისკის გამო, მოერიდონ ყოველგვარ მოძრაობას, გადაკვეთას ან გაჩერებას ხანძრის ზონებში  ეროვნულ ტყეებში და კორომებში.

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *